တာချီလိတ်နှင့်ကပ်လျက်ရှိသော မယ်ဆိုင်မြို့နယ် ပုံငန်းနယ်မြေ ဘန့်ဆန်ကလစ်ထောင်းတွင် ထိုင်းစစ်တပ်နှင့် မူးယစ်ဆေးဝါးကုန်ကူးသည့်အဖွဲ့တို့ ယမန်နေ့က ၅ မိနစ်ကြာ ပစ်ခတ်တိုက်ခိုက်မှုဖြစ်ပွားခဲ့ကြောင်း ထိုင်းတပ်မတော်ဘက်က ထုတ်ပြန်ခဲ့သည်။
မူးယစ်ကုန်ကူးသည့်အဖွဲ့ ၅-၆ ဦးခန့်က စိတ်ကြွဆေးပြားများကို ပြစ်ထားခဲ့ပြီး ထွက်ပြေးလွတ်မြောက်သွားခဲ့သည်ဟုဆိုသည်။
ပစ်ခတ်တိုက်ခိုက်မှုဖြစ်ပွားသည့်နေရာကို ထိုင်းစစ်တပ်က လာရောက်ကြည့်ရူ့ရာ Y1 တံဆိပ် စိတ်ကြွဆေးပြား ၁ သိန်း၊ 999 တံဆိပ် စိတ်ကြွဆေးပြား ၄ သိန်း သိမ်းဆည်းရမိခဲ့သည်။
Y1 တံဆိပ် စိတ်ကြွဆေးပြားများကို လာအိုဘက်ခြမ်း၌ပါ မကြာခဏဖမ်းဆီးရမိကြောင်း လာအိုရဲတပ်ဖွဲ့က မကြာသေးမီရက်ပိုင်းအတွင်းက ထုတ်ပြန်သည်ကို တွေ့ရသည်။
888 တံဆိပ် စိတ်ကြွဆေးပြား ၂ သန်းကိုလည်း ထိုင်းမူးယစ်အဖွဲ့က ချင်းရိုင်းခရိုင်နယ်မြေအတွင်း စက်တင်ဘာလ ၂၇ ရက်နေ့က ထိုင်းအမျိုးသားတဦးကို အိမ်စီးကားတစီးနှင့် အတူ ဖမ်းဆီးရမိခဲ့သည်။
888 တံဆိပ် စိတ်ကြွဆေးပြားများသည် မိုင်းတုံမြို့နယ် ပုံပါကျင်မြို့နယ်ခွဲရှိ UWSA 171 မှလည်း ဖြတ်သန်းပေးပို့ကြောင်း ထိုင်းအာဏာပိုင်များက ထုတ်ပြန်ဖူးသည်။
Ref: Maesaipress, Royal Thai army