မိုးသည်းထန်စွာ ရွာသွန်းပြီး ချောင်းရေလျှံမှုကြောင့် ယာဥ် ၁ စီး ရေစီးနဲ့အတူ မျှောပါသွားပြီး ယာဥ်ပေါ်ပါ လူ ၁၉ ဦးကို ကယ်တင်နိုင်ခဲ့တယ်လို့ မြန်မာနိုင်ငံမီးသတ်တပ်ဖွဲ့ထံမှ သိရပါတယ်။
ယမန်နေ့ ဧပြီလ ၂၆ ရက် ညနေပိုင်း ၅ နာရီကျော်အချိန်က မန္တလေးတိုင်း၊ ကျောက်ပန်းတောင်းမြို့နယ်မှာ မိုးသည်းထန်စွာ ရွာသွန်းတာကြောင့် ကျောက်ပန်းတောင်း−ပုပ္ပား လမ်းမပေါ်ရှိ ဆည်ပေါက်ချောင်း ရေလျှံတက်လာတာကြောင့် ရေကျော်လမ်းကို ဖြတ်မောင်းတဲ့ ခရီးသည်ယာဥ်တစ်စီး ရေစီးထဲ မျှောပါသွားတာဖြစ်ပါတယ်။
ရေစီးထဲ မျှောပါသွားတဲ့ ခရီးသည်တင်ယာဥ်ပေါ်မှာ ခရီးသည်တွေ ပိတ်မိနေပြီး ကျောက်ပန်းတောင်းမြို့နယ် မီးသတ်စခန်းမှ သန္ဓေမီးသတ်တပ်ဖွဲ့ဝင်များနဲ့ သက်ဆိုင်ရာ အဖွဲ့အစည်းတွေနဲ့ ပူးပေါင်းပြီး ကူညီ ကယ်ဆယ်ရေးဆောင်ရွက်ခဲ့ပြီး ယာဥ်ပေါ်ပါ အမျိုးသား ၅ ဦး၊ အမျိုးသမီး ၁၁ နဲ့ ကလေး ၃ ဦး စုစုပေါင်း ၁၉ ဦးကို ညနေ ၆ နာရီခွဲအချိန်မှာ ကယ်ထုတ်နိုင်ခဲ့တယ်လို့ သိရပါတယ်။
ခရီးသည်ယာဥ်ပေါ်မှာ ကိုယ်ဝန်ဆောင်တစ်ဦးလည်း ပါဝင်တယ်လို့ သိရပြီး ခရီးသည်အားလုံး ဘေးကင်းတယ်လို့ သိရပါတယ်။
Video – Credit to owner