ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
သျှမ်းအင်အားကြီး အဖွဲ့အစည်း ၂ ဖွဲ့ဖြစ်သော RCSS/SSA နှင့် SSPP/SSA တို့ အပစ်အခတ်ရပ်စဲပြီး ပေါင်းစည်းရေးအတွက်ဆွေးနွေးချိန်အတွင်း အခြားတစ်ဖက်တွင် ရပ်စောက်မြို့နယ် ကျိုင်းခမ်းအုပ်စု အတွင်းရှိ RCSS အဖွဲ့ထံ SSPP နှင့် UWSA က စစ်ကောင်စီနှင့်ပူးပေါင်းပြီး စစ်ကြောင်းထိုး ထိုးစစ်ဆင်ခြင်းကြောင့် ၂ ဖက် အပြန်အလှန်ပစ်ခတ်တိုက်ခိုက်မှု ဖြစ်ပေါ်ခဲ့ကြောင်း Tai Freedom ၏ သတင်းဖော်ပြချက်အရ သိရသည်။
ယမန်နေ့ မေလ(၁၇) ရက်နေ့ နံနက် (၈:၃၀) နာရီခန့်၌ SSPP နှင့် UWSA (၂) ဖွဲ့သည် စစ်ကောင်စီတပ်နှင့်ပူးပေါင်းပြီး ရပ်စောက်မြို့နယ် ကျိုင်းခမ်းကျေးရွာအုပ်စု နားစံကျေးရွာ မြောက်ဘက်တွင် လှုပ်ရှားလျက်ရှိသော RCSS တပ်ဖွဲ့ရှိရာထံ စစ်ကြောင်းထိုး ထိုးစစ်ဆင်တိုက်ခိုက်လာခြင်းကြောင့် ၂ ဖက် ထိတွေ့တိုက်ခိုက်မှုဖြစ်ပွားပြီး မိနစ်(၂၀) ခန့် အပြန်အလှန်ပစ်ခတ်တိုက်ခိုက်ခဲ့သည်။
ယခုအချိန်ထိ UWSA ဘက်က သံလွင်မြစ်အနောက်ခြမ်းကို စစ်အင်အားဖြည့်တင်းလျက်ရှိသလို စစ်ကောင်စီ၏ အင်အား(၃၅၀) ခန့်ပါသော စစ်ကြောင်းကလည်း RCSS ထံ ဆက်လက်ထိုးဆင်စစ်နေသောကြောင့် စစ်ရေးတင်းမာလျက်ရှိသည်။
RCSS တပ်ဖွဲ့လှုပ်ရှားရာနေရာများသို့ တစ်ဖက်သတ် ထိုးစစ်ဆင် လိုက်လံရှာဖွေခြင်းကြောင့် ယခုလို သျှမ်းတပ် ၂ တပ်ကြား တိုက်ပွဲပြန်လည်ဖြစ်ပွားရခြင်းဖြစ်ပြီး ပြည်သူလူထုများစွာ နေထိုင်သော နားစံကျေးရွာအနီး တိုက်ပွဲဖြစ်ပွားရခြင်းကြောင့် ဒေသခံများကို စာနာထောက်ထားပြီး RCSS ဘက်မှ တပ်ဆုတ်ပေးခဲ့ပြီး ပစ်ခတ်မှု ငြိမ်သက်ရခြင်းဖြစ်သည်။ ၂ ဖက် ထိခိုက်မှုအသေးစိတ်ကို မသိရသေးပါ။
Credit & Tai Freedom
