သျှမ်းပြည်နယ်မြောက်ပိုင်း နောင်ချိုမြို့နယ်အတွင်း TNLA + တော်လှန်ရေးအင်အားစုများ နှင့် စစ်ကောင်စီတပ်တို့ တိုက်ပွဲပြင်းထန်စွာ ဆက်လက်ဖြစ်ပွားကြောင်း သိရသည်။
ယနေ့ ဩဂုတ်လ (၁၆) ရက်နေ့ နံနက်အစောပိုင်းတွင် နောင်ချိုမြို့နယ် တောင်လှကျေးရွာအတွင်း အပြန်အလှန်ပစ်ခတ်တိုက်ခိုက်မှုများပြုလုပ်ခဲ့သလို စစ်ကောင်စီဘက်က လေကြောင်းတိုက်ခိုက်မှုပြုလုပ်ခဲ့သည်။ စစ်ကောင်စီဘက်က တိုက်လေယာဉ်ဖြင့် ဗုံးကြဲတိုက်ခိုက်ခြင်းကြောင်း ပြည်သူလူထုနေအိမ်များ ထိခိုက်ပျက်စီးခဲ့သည်။
ဒါ့အပြင် စစ်ကောင်စီ၏လမ်းကြောင်းများအားဖြတ်တောက်ရန်ဟုဆိုပြီး ပြင်ဦးလွင်-နောင်ချိုလမ်း အင်ဝိုင်းသကြားစက်ရုံအနီးတွင် TNLA ဘက်က စက်ကြီးများဖြင့် မြောင်းတူးပြီး လမ်းဖြတ်တောက်ထားကြောင်း သတင်းရရှိသည်။
