သျှမ်းပြည်မြောက်ပိုင်း၊ သီပေါမြို့မြောက်ဘက် နမ့်ပေါ့ချောင်းတစ်ဘက်ခြမ်း တိုက်ပွဲဖြစ်ပွားနေပြီး လက်နက်ကြီးကျလို့ အမျိုးသမီး(၁)ဦးသေဆုံးပြီး (၄)ဦးဒဏ်ရာရဟု ဒေသခံသတင်းရင်းမြစ်မှ သိရပါသည်။
ယနေ့ ဩဂုတ်လ(၁၀)ရက် နံနက်ပိုင်းအချိန်တွင်သီပေါမြို့နယ် ညောင်ပင်ကုန်း(အကျဥ်းထောင်) ဘက်ခြမ်းတွင် TNLA နှင့် စစ်ကောင်စီတပ် စကခ(၁) လက်အောက်ခံ ခမရ(၅၀၃၊ ၅၀၄)၊ ခလရ (၂၃)တို့နှင့် တတိုက်ပွဲဖြစ်ပွားခဲ့ပြီး သီပေါမြို့နယ် စံဖိတ်ရွာနှင့် အေရှားဝေါ တိုးဂိတ်တွင်လည်း တိုက်ပွဲဖြစ်ပွားခဲ့ေကြာင်း PSLF/TNLA မှ ထုတ်ပြန်ထားပါသည်။
သီပေါ ညောင်ပင်ကုန်းအကျဉ်းထောင်နား တိုက်ပွဲဖြစ်ပွားပြီး ထောင်ဝန်ထမ်းများထွက်ပြေးကာ အကျဉ်းသားများက ထောင်ဖောက်ထွက်ပြေးကာ လွှတ်မြောက်လာတဲ့ အကျဉ်းသား (၁၀၉)ဦးကို TNLA က ထိန်းသိမ်းထားကြောင်း သိရသည်။
လက်ရှိအချိန်မှာ သီပေါမြို့ အဝင်ခဏပိတ်ထားပြီး နမ့်ပေါ့ချောင်းနှင့် မြို့တွင်း အခြေနေမစိုးရိမ်ရဘူးလို့ ဒေသခံတစ်ဦးထံမှ သိရပါသည်။
ယမန်နေ့ သြဂုတ်လ(၉)ရက်နေ့တွင်လည်း သီပေါမြို့ မိုင်တိုင် (၉)တွင် စစ်ကောင်စီတပ်မှ Y-12 လေယာဉ်ဖြင့် ဗုံး (၅၀)လုံး လာရောက်ပစ်ချ တိုက်ခိုက်ခဲ့ကြောင်း သိရှိရပါသည်။
