ယနေ့ ဇူလိုင်လ(၁၃)ရက် မနက်အစောပိုင်းက သျှမ်းပြည်နယ်မြောက်ပိုင်း၊ မိုင်းရယ်မြို့ထဲသို့ ရှမ်းပြည်တိုးတက်ရေးပါတီ (SSPP/SSA)တပ်မတော်မှ အင်အားထောင်နဲ့ချီ ဝင်ရောက်နေရာယူပြီး မိုင်းရယ်မြို့နယ်ထဲ တိုက်ပွဲကူးစက်မလာဖို့ ဝင်ရောက်ကာကွယ်တာဖြစ်ကြောင်း သိရသည်။
ပြီးခဲ့သည့် ဇူလိုင်လ(၇)ရက်က မိုင်းရယ်မြို့နယ်ထဲတွင် ကိုးကန့်တပ် MNDAA နှင့် စစ်ကောင်စီတို့ တိုက်ပွဲဖြစ်ပွားပြီး ဟိုယကျေးရွာရှိ ဟိုယ စေတီတစ်ဆူ လက်နက်ကြီးထိမှန် ပျက်စီးသွားကာ ဟိုယကျေးရွာရှိ ဒေသခံပြည်သူများလည်း ဘေးလွတ်ရာသို့ ထွက်ပြေးတိမ်းရှောင် ခဲ့ကြကြောင်း သိရသည်။
ယခု မိုင်းရယ်မြို့နယ်သို့ SSPP တပ်မတော် စစ်ကြောင်းမှ ဝင်ရောက်နေရာယူထားခြင်းနှင့် ပတ်သက်ပြီး SSPP/SSA မှ တစ်စုံတစ်ရာ ထုတ်ပြန်ကြေငြာခြင်းမရှိကြောင်း သိရှိရပါသည်။
