ယနေ့ ဇူလိုင်လ(၄)ရက် နေ့လည်ပိုင်းအချိန်က သျှမ်းပြည်နယ်တောင်ပိုင်း၊ နမ့်စန်မြို့မှ လွိုင်လင်ဘက်သို့ စစ်ကောင်စီယာဉ်တန်းများ ထွက်ခွာသွားကြောင်းသိရသည်။
” စစ်ကား ၅ စီး ၆ စီး လောက် လွိုင်လင်ဘက် ကို ဒီနေ့ နေ့လည်မှာ နမ့်စန်မြို့ထဲကနေဖြတ်သွားတာ၊ စစ်လက်နက်အပြည့်အစုံနဲ့ပဲ၊ သျှမ်းပြည်မြောက်ပိုင်းဘက်ကို ဦးတည်သွားတာဆိုတော့ အင်အားသွားဖြည့်တာနေမယ်” လို့ နမ့်စန်မြို့ခံ တစ်ဦးက Hsan Loi Voice ကို ပြောသည်။
သျှမ်းပြည်နယ်မြောက်ပိုင်းရှိ မြို့တွေမှာ ဇွန်လ (၂၅)ရက်နေ့မှစတင်ပြီး ယနေ့အထိ မြောက်ပိုင်းမဟာမိတ်တပ်ဖွဲ့နှင့် စစ်ကောင်စီတို့ တိုက်ပွဲဖြစ်ပွားပြီး စစ်ကောင်စီဘက်က လေကြောင်းပစ်ခတ်မှုတွေကြောင့် အရပ် သားပြည်သူ အများအပြားသေဆုံးကြောင်း သိရှိရပါသည်။