သျှမ်းပြည်နယ်တောင်ပိုင်း၊ ပင်လောင်းမြို့တောင်ဘက် ဆောင်းပြောင်းဒေသတွင် စစ်ကောင်စီ၊ PNO ပူးပေါင်းတပ်နှင့် KNDF နှင့်ရှမ်းတောင်PDFတပ်ဖွဲ့တို့အကြား မနေ့ ဇွန်လ(၃၀)ရက် နံနက် ၇ နာရီခန့်မှ စတင်ပြီး မြေပြင်တိုက်ပွဲပြင်းထန်စွာ ဖြစ်ပွားနေကြောင်း သိရသည်။
ဆောင်းပြောင်းဒေသခံပြည်သူများအနေဖြင့် ပင်လောင်းဘက်ကို ဦးတည်တိမ်းရှောင်မှုများ ပြုလုပ်ကြပြီး ဆောင်းပြောင်းဘုန်းကြီးကျောင်းတွင် လူဦးရေ(၃၀၀)ဝန်းကျင်ခန့် ပိတ်မိနေပြီး စစ်ကောင်စီ က ထွက်ခွင့်မပေးကြောင်း သိရှိရသည်။
ဒါ့အပြင် စစ်ကောင်စီက ဆောင်ပြောင်းကျေးရွာရှိ နေအိမ်များကို ဒရုန်း ၃ စီးဖြင့် ဗုံးကြဲ တိုက်ခိုက်ခဲ့မှုကြောင့် ဒေသခံပြည်သူ (၄)ဦး ထိခိုက်ဒဏ်ရာရရှိခဲ့ပြီး ယခုလက်ရှိတွင် ဆောင်းပြောင်း၏ အပေါ်ဘုရားအနီးတစ်ဝိုက်တွင် တိုက်ပွဲပြင်းထန်နေဆဲဖြစ်ကြောင်း သိရသည်။
