စစ်တပ်က အာဏာသိမ်းပြီးတဲ့နောက်ပိုင်း မြန်မာနိုင်ငံမှာ စစ်ဘေးရှောင်ပြည်သူ (၃)သန်း ရှိလာပြီဖြစ်ကြောင်း ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) က ယခုဇွန်လ (၂၀)ရက်နေ့မှာ ကျရောက်တဲ့ ကမ္ဘာ့ဒုက္ခသည်များနေ့မှာ ထုတ်ပြန်လိုက်ကြေင်းသိရပါသည်။
မြန်မာနိုင်ငံမှာ လက်ရှိဖြစ်ပေါ်နေတဲ့ စစ်ရေးပဋိပက္ခတွေကြောင့် လူဦးရေ (၁.၂)သန်းကျော်က အိုးအိမ်စွန့်ခွာ ထွက်ပြေးကြရပြီး အိမ်နီးချင်းနိုင်ငံများမှာ ခိုလုံနေရကြောင်းသိရသည်။
စစ်ကောင်စီမှတဆင့် ထောက်ပံ့ပေးတဲ့ နိုင်ငံတကာ အဖွဲ့အစည်းများ၏ လူသားချင်းစာနာမှု အကူအညီများကိုလည်း စစ်ဘေးရှောင်ပြည်သူများက မရရှိကြဘူးလို့ သိရပါသည်။ ဒါ့အပြင် စစ်တပ်က အာဏာသိမ်းပြီးတဲ့နောက်ပိုင်း စစ်ဘေးရှောင်လူဦးရေသည် (၁၀)ဆကျော် မြင့်တက်သွားကြောင်းသိရပါသည်။
စစ်ဘေးရှောင်ပြည်သူအများစုသည် ကရင်နီ (ကယား)ပြည်နယ်၊ ကရင်ပြည်နယ်၊ စစ်ကိုင်းတိုင်း၊ မကွေးတိုင်း နဲ့ ရခိုင်ပြည်နယ် တို့ကဖြစ်ပြီး လက်ရှိ မြန်မာနိုင်ငံအတွင်းက လူဦးရေ (၁၈.၆ )သန်းဟာ အသက်ကယ် လူသားချင်းစာနာထောက်ထားမှု အကူ အညီများကို အရေးပေါ်လိုအပ်လျက်ရှိကြောင်း သိရှိရပါသည်။