သျှမ်းပြည်နယ်တောင်ပိုင်း တောင်ကြီးမြို့တွင် ယနေ့ ဇွန်လ (၁၆) ရက်နေ့ နံနက်ပိုင်းတွင်လည်း ယာဉ်ထိန်းရဲများက ဆိုင်ကယ်ဦးထုပ်မဆောင်းသူများအား ဖမ်းဆီးပြီး လက်ကိုင်ဖုန်းများပါ စစ်ဆေးမှုပြုလုပ်လျက်ရှိသည်။
“ ဒီနေ့မနက်ပိုင်းမှာလည်း ဗိုလ်ချုပ်ပန်းခြံနား၊ မြို့မဈေးရှေ့နဲ့ အဆုတ်ဆေးရုံနားမှာ မော်တော်ပီကယ်တွေ အုပ်စုလိုက် ဆိုင်ကယ်ဦးထုပ်မဆောင်းတဲ့သူတွေကို တားပြီး ဖမ်းနေတာတွေ့တယ်။ အဖမ်းခံရတဲ့သူတွေရဲ့ ဖုန်းကိုလည်း စစ်ဆေးပြီး VPN တွေ့ရင်
အမျိုးမျိုး ငွေညစ်တောင်းတာတွေရှိတယ်။ VPN တစ်ခုတွေ့ရင် (၅) သောင်းအနည်းဆုံးပေးရတယ်။” ဟု တောင်ကြီးဒေသခံ အမျိုးသမီးတစ်ဦးကပြောသည်။
လွန်ခဲ့သော (၂) ရက်ခန့်ကစတင်ပြီး တောင်ကြီးမြို့တွင် လမ်းသွားလမ်းလာများအား စစ်ကောင်စီအဖွဲ့ဝင်များက အကြောင်းအမျိုးမျိုးပြကာ စစ်ဆေးမှုပြုပြီး VPN အသုံးပြုမှုကို အဓိကစစ်ဆေးနေကြောင်း သိရသည်။