ရှမ်းပြည်နယ်တောင်ပိုင်း ပအိုဝ်းကိုယ်ပိုင်အုပ်ချုပ် ခွင့်ရဒေသ ဆီဆိုင်မြို့နယ် မြကန်သာရပ်ကွက်တွင် ဇွန်လ(၆)ရက်နေ့ မနက် (၈)နာရီခန့်အချိန်မှာ စစ်ကောင် စီ ထောင်ထားသည့်မိုင်း နင်းမိသဖြင့် အသက်(၇၁)နှစ်ရှိ ဒေါ်စိုးစိုးလတ် ၏ ညာဘက် ခြေထောက် ပြတ်ထွက်သွားကြောင်း သိရသည်။
အဆိုပါ အမျိုးသမီးသည် နေအိမ်ဝင်းအတွင်း သန့်ရှင်းရေး လုပ်နေစဉ် မြေမြုပ်မိုင်း နင်းမိခြင်းဖြစ် ကြောင်း သိရသည်။
မြေမြုပ်မိုင်း နင်းမိခြင်းကြောင့် ၎င်းလူနာကိုအောင်ပန်းမြို့ရှိ ကုတင် ၇၀၀ ဆံ့ ဆေးရုံကြီးသို့ ပို့ဆောင်ပြီး ဆေးဝါးကုသမှုခံယူနေရကြောင်း နီးစပ်သူ ဆွေမျိုးများထံမှ သိရပါသည်။
စစ်ကောင်စီသည် ဆီဆိုင်မြို့ပေါ်နှင့် မြို့ပတ်ဝန်း ကျင် တွင်လည်းကောင်း၊ ၎င်းတို့ အဓမ္မသိမ်းဆည်းထားသည့် မြေတွင်လည်းကောင်း၊ မြေမြှုပ်မိုင်း/နင်းမိုင်းများ ထောင်ထားသဖြင့် ဒေသခံပြည်သူများ သတိပြုကြရန် ပအိုဝ်းအမျိုးသားလွှတ်မြောက်ရေးတပ်မတော် (PNLA) မှ တိုက်တွန်းထားကြောင်း သိရပါသည်။
Photo-CJ