သျှမ်းပြည်တောင်ပိုင်း၊လင်းခေးခရိုင်၊ မိုးနဲ မြို့ရဲ့ စက်တော်တောင်မှာရှိတဲ့သဘာဝရေထွက် ဟာသစ်တော ဖြုန်းတီး မှုတွေကြောင့်တစ်နှစ်ထက်တစ်နှစ် ခန်းခြောက် လာတဲ့အတွက် သဘာဝပတ်ဝန်း ကျင်ချစ်မြတ် နိုးသူ မိုးနဲ ဒေသခံတွေက လက်ရှိမှာ သစ်ပင်စိုက် ပျိုးပြီး ထိန်း သိမ်း ဖို့ဆောင်ရွက်နေတယ်လို့ သိရပါတယ် ။
စက်တော်တောင်မှာရှိတဲ့သဘာဝရေထွက်ဟာ မိုးနဲ လယ်ယာမြေနဲ့ စိုက်ပျိုး မြေ ၇၀% ရာခိုင်နှုန်း လောက်အသုံးပြုနေတဲ့ ရေထွက်တစ်ခုဖြစ်သလို ကျေးငှက်တိရစ္ဆာန်တွေမှီခိုကျက်စားရာသစ်ပင်တောတောင်လည်း ရှိနေပါတယ်။ စက်တော်တောင်ဧရိယာက သာသနာနယ်မြေလည်းဟုတ်သလို သဘာဝတောတောင်ရေမြေပတ်ဝန်းကျင်ထိန်း သိမ်းရေးဧရိယာလည်းဖြစ်ပြီး သစ်တောသစ်ပင်တွေဟာ တစ်နှစ်ပြီးတစ်နှစ် နည်းပါးလာနေတာကို မျက်မြင်ထင်ရှားတွေ့နေရတယ်လို့ မိုးနဲမြို့ခံ သ ဘာဝပတ်ဝန်းကျင်ချစ်မြတ်နိုးသူ တစ်ဦးက ပြောပါတယ် ။
” သစ်တောသစ်ပင်တွေပြုန်းတီးရင် ရေထွက်လည်းခန်းခြောက်သွားမယ်။ သာသနာနယ်မြေလည်း စိမ်း လန်းစိုပြေသာယာတဲ့နေရာမဖြစ်နိုင်တော့ပါဘူး။ စိမ်းလန်းစိုပြေနေချင်စဖွယ်ဖြစ်တဲ့နေရာအဖြစ် ရေရှည်တည်တံ့ဖို့နဲ့ သဘာဝရေထွက်မခန်းခြောက်သွားဖို့ ကျွန်တော်တို့စုပေါင်းပြီး သစ်ပင်စိုက်ပျိုးဖို့ ကြိုးစားနေကြခြင်းပဲဖြစ်တယ်” လို့ဆိုပါတယ် ။
မိုးနဲစက်တော်ကဆုန်လပြည့်ညောင်ရေသွန်းပွဲနဲ့စက်တော်တောင်မိုးခေါ်ပွဲမတိုင်ခင် စက်တော်တောင်သဘာဝပတ်ဝန်းကျင်ထိန်းသိမ်းစောင့်ရှောက်ရေးဇုံမှာ သစ်ပင်တွေစိုက်ပျိုးမှာဖြစ်တယ်လို့ သိရပါတယ် ။
နှစ်စဥ် ကဆုန်လပြည့်နေ့မှာ မိုးနဲရဲ့ဒြပ်မဲ့ယဉ်ကျေးမှုတခုဖြစ်တဲ့ မိုးခေါ်ပွဲကျင်းပတဲ့နေ့လည်းဖြစ်ပြီး
မြို့ခံဗုဒ္ဓဘာသာဝင်တွေအတွက် အဲ့ဒီနေ့ထူးနေ့မြတ်ကို မိုးနဲမြို့၊ စက်တော်တောင်မှာ နှစ်စဉ်ကျင်းပမြဲဖြစ်ပါတယ်။ စက်တော်တောင်မှာ အရှင်မဟိန္တရဟန္တာခြေတော် ရာရှိတဲ့အတွက်ကြောင့်လည်း စက်တော်တောင်က မိုးနဲသာမက အိမ်နီးချင်းမြို့နယ်တွေထိ နာမည်ကျော်ကြားလူသိများပါတယ် ။
Photo: မိုးနဲ စက်တော်ရေထွက်