သျှမ်းပြည်နယ်မြောက်ပိုင်း ကျောက်မဲမြို့နယ် စခန်းသာကျေးရွာတွင် ယမန်နေ့ (၉.၅.၂၀၂၄) ရက်နေ့ ညပိုင်းက မိုးသည်းထန်စွာရွာသွန်းခဲ့သည်။ မိုးနှင့်လေအတူ မိုးသီးများပါ ကျခဲ့ပြီး သစ်ပင်ကြီးအချို့ လဲကျခဲ့သည်။
မိုးသက်လေပြင်း ကျရောက်မှုကြောင့် စခန်းသာကျေးရွာရှိ လူနေအိမ်(၂၀)ကျော် အမိုးလှန်ခြင်း၊ ဘုန်းကြီးကျောင်း အုတ်တံတားပြိုခြင်း၊ စာသင်ကျောင်း အမိုးလှန်ခြင်းများ ဖြစ်ပေါ်ခဲ့သည်။
ဒါ့အပြင် ကျေးရွာအနီးရှိ ရွှေလီလျှပ်စစ်ဓာတ်တိုင်(၂)တိုင် ကျိုးကျမှုကြောင့် ကျောက်မဲမြို့နယ် တောင်ဘက်ခြမ်းရှိ ကျေးရွာများ၌ မီးပြတ်တောက်လျက်ရှိသည်။
