ယနေ့ ၇.၃.၂၀၂၄ ရက်နေ့ နံနက်(၆)နာရီခန့်ကစတင်ပြီး ကချင်ပြည်နယ် မြစ်ကြီးနား-ဗန်းမော်လမ်း KIA ဌာနချုပ် လိုင်ဇာအနီးရှိ စစ်ကောင်စီတပ်စခန်းများအား KIA က ထိုးစစ်ဆင်တိုက်ခိုက်မှုပြုလုပ်ကြောင်း ဒေသသတင်းအရင်းအမြစ်များ၏ ဖော်ပြမှုအရ သိရသည်။
လိုင်ဇာအနီးရှိ ရွှေညောင်ပင် ခလရ(၃၂၁)တပ်စခန်း၊ ရှဒန်ပါတပ်စခန်း၊ အင်တပ်ဘွမ် တပ်စခန်းနှင့် အင်လုံခ တပ်စခန်းတို့အား ထိုးစစ်ဆင်နေခြင်းဖြစ်သည်။ မိုးမောက်မြို့နယ်အတွင်းရှိ မလိယန်တပ်စခန်း၊ သံခမောက်တပ်စခန်း၊ တာပိန်ကြိုးတံတားနှင့် မိုးမောက်မြို့နယ်ရှိ စစ်ကောင်စီတပ်စခန်းများတွင်လည်း တိုက်ပွဲဖြစ်ပွားနေသည်ဟုဆိုသည်။
စစ်ကောင်စီဘက်ကလည်း ၎င်းတို့၏ တပ်စခန်းများမကျရေးအတွက် လေကြောင်းပစ်ကူဖြင့် ခုခံကာကွယ်နေသော်လည်း လိုင်ဇာအနီးရှိ တပ်စခန်းအချို့ကိုတော့ KIA ဘက်က သိမ်းပိုက်ထားနိုင်ပြီဖြစ်ကြောင်း သတင်းရရှိသည်။
