သျှမ်းတောင် ၊ ရွာငံမြို့နယ်၊ မြို့ကြီးနဲ့ ပခန်းကြား ရှိ ရွာငံ – ကျော်ဆည်လမ်းပိုင်း ၊ ညောင်ထောက်ကွေ့နေရာမှာ မနေ့ မတ် ၅ ရက် ၊ မွန်းလွဲ ၂ နာရီဝန်းကျင်က အိမ်စီးကားတစ်စီး တိမ်းမှောက်ပြီး ကားပေါ်လိုက်ပါ လာသူလူ(၇)ဦးအနက် (၆)ဦး သေဆုံးခဲ့ပြီးကလေးငယ်တစ်ဦးသာအသက်ရှင်ကျန်ရစ်တယ်လို့ ဒေသခံ လူမှုကူညီရေးအဖွဲ့ဝင်တွေဆီက သိရပါတယ် ။
” ကားပေါ်ပါလာတာက အမျိုးသား ၂ ဦး ၊ အမျိုး သမီး ၄ ဦး နဲ့ ကလေးငယ် တစ် ဦးစုစုပေါင်း ၇ ဦး အဲ့ဒီထဲမှာ သေ ဆုံးတာက အောင်ပန်း ဘော်ဒါ ဆောင်ဆရာမတစ်ဦးရယ် ဟိုပုံးက ၅ ဦးရယ် က ဆုံးပြီ ကလေးပဲကျန်ခဲ့တယ် ” ဒေသခံတစ်ဦးက ပြောပါတယ် ။
အလောင်းတွေကိုတော့ ရွာငံလူမှုကူညီရေးအဖွဲ့တွေနဲ့ ဟိုပုံးလူမှုကူညီရေး အဖွဲ့တွေပူးပေါင်းသယ် ဆောင်သွားကြပြီး ကျန်ခဲ့တဲ့ ကလေးကိုတော့ ကျောက် ဆည်ပြည်သူ့ဆေးရုံဆီ ပို့ဆောင်ထားတယ်လို့ သိရပါတယ် ။
