၂၀၂၂ ခုနှစ်၊ ဒီဇင်ဘာလ ၁၂-၁၄ ရက်နေ့ထိ ဂျီနီဗာ၌ ကျင်းပပြုလုပ်သွားမည့် ဆွစ်ဇာလန်က စီစဥ်ကျင်းပသော ဖွံဖြိုးတိုးတက်ရေးဆိုင်ရာ ပူးပေါင်းဆောင်ရွက်မှု ထိပ်သီးအစည်းအဝေးသို့ စစ်ကောင်စီကိုယ်စားလှယ် သို့မဟုတ် NUG ကိုသော်လည်းကောင်း ဖိတ်ကြားသွားရန်မရှိသေးကြောင်း သိရပါသည်။
ထိပ်သီးအစည်းအဝေးတက်ရောက်နိုင်ရန် အမြဲတမ်းအဖွဲ့ဝင် နိုင်ငံများထံသို့ အမည်စာရင်းပေးပို့လျှောက်ထားရမည့်ကိစ္စကို အသိပေးအကြောင်းပြီးဖြစ်သည်ဟု သိရသည်။
UNGA က အသိအမှတ်ပြုခြင်းခံရသော နိုင်ငံတော် အစိုးရ ကိုယ်စားလှယ်များအတွက် ထိပ်သီးအစည်းအဝေးတက်ရောက်ခွင့် လမ်းဖွင့်ပေးထားသော်ငြားလည်း မြန်မာနိုင်ငံတော်အတွက် ချန်လပ်ထားဆဲဖြစ်သည်ဟု မြန်မာရှိ ဆွစ်ဇာလန်သံရုံးက ယမန်နေ့ညက ထုတ်ပြန်ကြေညာထားပါသည်။
Justice for Myanmar က မြန်မာနိုင်ငံမှ တက်ရောက်မည့် ကိုယ်စားလှယ်ကိစ္စနှင့်ပါတ်သက်၍ ကမ္ဘာ့ကုလသမဂ္ဂ အမြဲတမ်းအဖွဲ့ဝင် NUG ကိုယ်စားလှယ် ဦးကျော်မိုးထွန်းကိုသာ ဖိတ်ကြားသင့်ကြောင်း တိုက်တွန်းထားသည်။
#HsanLoiVoice
https://instagram.com/hsan.loivoice?igshid=YmMyMTA2M2Y=
https://hsanloivoice.org/