သျှမ်းတောင်က စစ်ရှောင်တွေတင်လာတဲ့ ကုန် ပစ္စည်း များတဲ့ကားတွေကို တောင်ကြီး ၄ မိုင်စစ် ဆေးဂိတ်မှာ ရဲ တွေက ပိုက်ဆံ တောင်းနေတယ်လို့ ယာဥ်မောင်းတွေဆီက သိရပါတယ် ။
” ကျွန်တော်တို့က စစ်ရှောင် လာတာပါ၊ အိမ်က နေရသလောက် ပစ္စည်းတင်ပြီး လာတာ ၄ မိုင်ဂိတ်မှာ နှာ ခေါင်းစည်းတပ်ထားတဲ့ ရဲက ပိုက်ဆံတောင်းပါတယ် ပစ္စည်းတင်တာများလို့ဆိုပြီးလက်ဖက်ရည်ဖိုးတောင်းပါတယ် ” လို့ အမည်မဖော်လိုသူ စစ်ရှောင် ယာဥ်မောင်းတစ်ဦးကပြောပါတယ် ။
တောင်ကြီး ၄ မိုင်ဂိတ်မှာစစ်ကောင်စီလက် အောက် ခံ ရဲတပ်ဖွဲ့ ၊ ယာဥ်ထိန်းရဲတပ်ဖွဲ့နဲ့ စစ်ကောင် စီတပ်ဖွဲ့စုံ ရှိနေတာပါ ။
” သူတို့ ကို အလိုက်တစ်သိ ပိုက်ဆံပေးရင်ပေး မပေးရင် ရစ်တယ် ၊ ဟိုဟာပြဒီဟာပြပေါ့ သူတို့ကားတံခါးဘောင်ပေါ်လက်တင်ရင် အသာလေး ပိုက်ဆံထိုးထည့်ပေးရင် တော့ အသာတကြည် လွတ်ပေးတယ် ” လို့ အဲ့ဒီလမ်းကို မကြာခဏ ဖြတ်သွားနေတဲ့ယာဥ်မောင်း တစ်ဦးကဆိုပါတယ် ။
ယာဥ်ထိန်းရဲတပ်ဖွဲ့ကလည်း လိုင်စင်များစစ်ဆေးပြီး အပြည့်အစုံမပါရင် အခြားအဖွဲ့တွေထက် ပိုက်ဆံ ပိုပေးရတယ်လို့လည်းသိရပါတယ် ။
အဲ့ဒီစစ်ဆေးရေး ဂိတ်မှာ တောင်းတဲ့ငွေ ပမာဏက ၂၀၀၀ ကျပ်ကနေ တစ်သောင်းကျပ်အထိ ပေးနေရတယ်လို့ ယာဥ်မောင်းတွေဆီက သိရပါတယ် ။
ဒီကနေ့မှာလည်း ဆီဆိုင် ၊ ဆိုင်းခေါင် ၊ ဘန်းယဥ်
ဖက်က စစ်ရှောင်ပြည်သူတွေဟာ အလံဖြူတွေထောင်ပြီး တောင်ကြီးမြို့ထဲကို တစ်ဖွဲဖွဲဝင်လာနေကြတယ်လို့ မြို့ခံတွေဆီက သိရပါတယ် ။
ဓါတ်ပုံ – တောင်ကြီး ၄ မိုင်စစ်ဆေးရေးဂိတ်အဝင်