တောင်ကြီးမြို့ ၊ မိန်းလမ်းမဘေး၊ ရွှေကျားပျံ ရှေ့တွင် ဒီဇင်ဘာ ၂၀ ( မနေ့ည) ၁၀ နာရီအချိန်ခန့်က အိမ်စီးကားတစ်စီး အရှိန်ပြင်းစွာတိမ်းမှောက်မှုဖြစ်ပွားခဲ့ကြောင်း သိရသည်။
“ အရှိန်ပြင်းပုံရတယ်ကားဘီးတွေပါ ပြုတ်ထွက်ကုန်တယ် ၊ မြို့ထဲကို အရှိန်နဲ့မမောင်းသင့်ဘူး မြင်းရုပ် ဖက်ကနေတက်လာပြီး ကျွန်းမျောနဲ့ တိုက်မိတာပဲ ကားထဲမှာလူကတော့ တစ်ယောက်တည်းပါတယ် ၊ တော်သေးတာပေါ့ တစ်ခြားယာဥ်တွေကိုမထိမိတာ ခေါင်းထိထားတယ်နဲ့တူတယ် သွေးတွေလဲ အများကြီးပဲ လူအခြေအနေတော့ မဟန်ဘူး” ဟု မျက်မြင်တွေ့ရှိသူ တစ်ဦးကပြောသည်။
၄င်းအိမ်စီးကားသည် အသက် ၂၀ အရွယ် လူငယ်တစ်ဦးတည်းမောင်းနှင်လာခြင်းဖြစ်ပြီး အရှိန်ပြင်းထန်မှုကြောင့် အလည်ကျွန်းမျော ပျက်စီးခဲ့ပြီး ဒဏ်ရာအပြင်းအထန်ရရှိနိုင်သော်လည်း အသက်သေဆုံးခြင်းမရှိဟု သိရသည်။
အဆိုပါနေရာ မကြာခဏ ယာဥ်မတော်တစ်ဆ ဖြစ်ပွားတတ်ပြီး မြို့တွင်းယာဥ်မောင်းနှင်ရာတွင် အရှိန်လျော့မောင်းနှင်သင့်ကြောင်း ဒေသခံများက သတိပေးထားသည်။
Photo :HLV CJ