ကချင်ပြည်နယ် ဗန်းမောက်မြို့နယ် စာခမ်းကျေးရွာသူ အသက်မပြည့်သေးသော သျှမ်းနီအမျိုးသမီးငယ် (၂) ဦးအား KIA အရာရှိတစ်ဦးက ကချင်ပြည်နယ်နှင့်စစ်ကိုင်းတိုင်းဒေသကြီးနယ်စပ် နမ့်နစ်ကျေးရွာအနီး၌ နိုဝင်ဘာလ (၂၇) ရက်နေ့တွင် အဓမ္မမှု ကျူးလွန်ခဲ့ကြောင်း သတင်းရရှိသည်။
ဗန်းမောက်မြို့နယ် စာခမ်းကျေးရွာသူများဖြစ်သော ညီအစ်မဝမ်းကွဲတော်စပ်သော အသက် (၁၅) နှစ်အရွယ် အမျိုးသမီးငယ် (၂) ဦးသည် ကချင်ပြည်နယ်နှင့်စစ်ကိုင်းတိုင်းဒေသကြီးနယ်စပ် KIA ထိန်းချုပ်ထားသော နမ့်နစ်ကျေးရွာသို့ စေ◌ျးရောင်းသွားရင်း KIA အရာရှိက တောထဲသို့ ခေါ်ဆောင်ပြီး မုဒိမ်းမှုပြုကျင့်ခဲ့ခြင်းဖြစ်ကြောင်း သျှမ်းနီလူငယ်တစ်ဦးက ပြောပြသည်။
“သူတို့တွေက အဲ့ဒီကိစ္စဖြစ်ပြီးတော့ တော်တော်ကြောက်သွားကြတယ်။ စကားပြောနိုင်ဖို့ကိုပဲ တစ်ပတ်လောက်အထိကို အချိန်ပေးခဲ့ရတယ်။ အခုတော့ ကလေးမလေးတွေကို ဟုမ္မလင်းက သျှမ်းနီဆရာတော်က စိတ်ပိုင်းဆိုင်ရာနဲ့ရုပ်ပိုင်းဆိုင်ရာတွေ အားပေးပြီး ကူညီစောင့်ရှောက်ပေးထားတယ်။ ဆေးကုသမှုတွေတော့ လိုအပ်နေတယ်လို့ပြောပါတယ်။ ဒီလိုဖြစ်တာတောင် ကချင် (KIA) ဘက်ကငြင်းချင်နေသေးတာ။ ဒါတောင်မှ သက်သေအထောက်အထား ခိုင်ခိုင်မာမာနဲ့ကို ထုတ်ပြန်ထားတာပါ။” ဟု သျှမ်းနီလူငယ်တစ်ဦးက ပြောပြသည်။
စေ◌ျးဆိုင်မှ စေ◌ျးရောင်းနေစဉ် လာရောက်ခေါ်ဆောင်ခြင်းဖြစ်ပြီး ယခုလို ပြုကျင့်ခဲ့ခြင်းဖြစ်ကြောင်း ဒေသခံများ၏ ပြောပြချက်အရသိရသည်။ ၎င်းအမှုနှင့်ပတ်သက်၍ KIA ဘက်က မည်သည့်အရေးယူမှုမျှ ပြုလုပ်ခြင်းမရှိသေးကြောင်း သတင်းရရှိသည်။
