တောင်ကြီးမြို့ တန်ဆောင်တိုင်ပွဲကျင်းပရာနေရာမှ
နိုဝင်ဘာ ၂၆ ရက် ညပိုင်းက လွတ်တင်လိုက်
သော မီးပုံးပျံသည် လူနေအိမ်ပေါ်ပျက်ကျ၍ မီးလောင်မှုဖြစ်ပွားခဲ့ကြောင်းစုံစမ်း သိရသည်။
အဆိုပါ မီးပုံးသည် စိန်နားပန် အမျိုးအစားဖြစ်ပြီး
ဖရဲ တောင်ရွာရှိလူနေအိမ်ခေါင်မိုးပေါ် ကျ၍ မီးလောင်မှုဖြစ်ပွားခဲ့ခြင်းဖြစ်သည်။
“ လူတွေလန့်ကုန်တာပေါ့ အိပ်ချိန်ကြီးလေ မီးကျည်မဟုတ်လို့တော်သေးတယ် မီးကျည်သာဆိုရင် တစ်အိမ်လုံးပြာကျပြီပဲ ရပ်ကွက်က လူတွေပဲ မီးဝိုင်းငြိမ်းပေးကြတာ လူထိခိုက်မှုတာ့ မရှိဘူး” ဟု ဖရဲငွေတောင်ရပ်နေထိုင်သူ တောင်ကြီးမြို့ခံတစ်ဦးကပြောသည်။
တောင်ကြီးတန်ဆောင်တိုင်ပွဲကို နိုဝင်ဘာ ၂၁ မှ ၂၇ ရက်နေ့အထိ စစ်ကောင်စီက ဦးဆောင်ကျင်းပနေခြင်းဖြစ်ပြီး တောင်ကြီးမြို့ခံအများစုက ထိုပွဲတော်ကို ပါဝင်ဆင်နွဲခြင်းမရှိကြောင်း သိရသည်။