ယမန်နေ့(၇.၁၁.၂၀၂၃) ရက်နေ့တွင် သျှမ်းပြည်နယ်မြောက်ပိုင်း မူဆယ်မြို့နယ် စယ်လန့်ကျေးရွာမှ SNLD ကျေးရွာအုပ်စုကော်မတီအတွင်းရေးမှူး စိုင်းမောဝ်အွန်အား TNLA အဖွဲ့က လာရောက်ဖမ်းဆီးခေါ်ဆောင်သွားခဲ့သည်။
စိုင်းမောဝ်အွန် ဖမ်းဆီးခံရခြင်းအား ညှိနှိုင်းဆွေးနွေးရန်အတွက် SSPP အဖွဲ့မှာ သွားရောက်စဉ် စယ်လန့်ကျေးရွာအတွင်း၌ TNLA အဖွဲ့နှင့် အပြန်အလှန်ပစ်ခတ်မှုဖြစ်ပွားပြီး SSPP မြို့နယ်မှူးအဆင့်ရှိသူနှင့်၎င်း၏တပ်သားဖမ်းဆီးခံရပြီး ကျေးရွာအလယ်တွင် TNLA အဖွဲ့မှ ပစ်သတ်ကွပ်မျက်ခဲ့သည်။
အပြန်အလှန်ပစ်ခတ်မှုတွင်လည်း TNLA ဘက်မှ တပ်ဖွဲ့ဝင် (၄) ဦးသေဆုံးခဲ့သည်ဟုဆိုသည်။ ယနေ့ တွင် ဖမ်းဆီးခံရသော စိုင်းမောဝ်အွန်အား ပြန်လည်လွှတ်ပေးရန် SNLD နှင့် TYN တို့က ထုတ်ပြန်တောင်းဆိုခဲ့သည်။
ယခုအခါ TNLA အဖွဲ့မှ စိုင်းမောဝ်အွန်အား ပြန်လည်လွှတ်ပေးခဲ့ပြီဖြစ်ကြောင်း ဖော်ပြလာခဲ့ပြီး ၎င်းတို့စစ်ဆင်ရေးဓာတ်ပုံကိုလာရောက်မှတ်တမ်းတင်ရိုက်ယူခြင်းကြောင့် ဖမ်းဆီးခြင်းဖြစ်ကြောင်း TNLA က ဖော်ပြခဲ့သည်။
တစ်ဖက်တွင်လည်း SSPP နှင့် အပြန်အလှန်ပစ်ခတ်မှုဖြစ်ပွားခဲ့ခြင်းအတွက် ၂ ဖက်ခေါင်းဆောင်များက ညှိနှိုင်းဆွေးနွေးသွားမည်ဖြစ်ကြောင်း ဖော်ပြထားသည်။
