သျှမ်းပြည်နယ်မြောက်ပိုင်းတွင် ဖြစ်ပွားလျက်ရှိသော တိုက်ပွဲများကြောင့် မိဘပြည်သူများစစ်ဘေးရှောင်နေရစဉ်ကာလအတွင်း သီတင်းကျွတ်ညပိုင်း ပွဲလမ်းသဘင်များ ကျင်းပခြင်းအား ရပ်ဆိုင်းထားရန် တန့်ယန်းမြို့နယ် သံဃနာယကအဖွဲ့ ဥက္ကဋ္ဌက နိုဝင်ဘာလ(၂)ရက်နေ့တွင် ထုတ်ပြန်ကြေညာခဲ့သည်။
၎င်း၏ ထုတ်ပြန်ချက်ထဲတွင် တိုက်ပွဲကြောင့် ထွက်ပြေးတိမ်းရှောင်နေရသော မိဘပြည်သူများအား ဘုန်းကြီးများတွင် လက်ခံခိုလှုံခွင့်ပေးရန်၊ စစ်ဘေးရှောင်မိဘပြည်သူများအား ဆက်သွယ်လှူဒါန်းလိုပါက တန့်ယန်းမြို့လယ်ကျောင်းကို ဆက်သွယ်လှူဒါန်းနိုင်ရန်နှင့် လက်ရှိအနေအထားကြောင့် ညပိုင်းပွဲလမ်းသဘင်ကျင်းပခြင်းအား ပြုလုပ်ခြင်းမပြုဘဲ ကထိန်သင်္ကန်းလှူဒါန်းခြင်းကိုလည်း တန့်ယန်းမြို့၌နေ့ခင်းချိန်တွင်သာ ကျင်းပသွားမည်ဖြစ်ကြောင်း ဖော်ပြထားသည်။