အင်းလေးဒေသ ၊ နမ့်တုတ်ကျေးရွာတွင် ယနေ့ နံနက် ၉ နာရီအချိန်ခန့်က စစ်ကောင်စီတပ်ထွက် သတင်းပေးတစ်ဦး ပစ်သတ်ခံရကြောင်း ဒေသတွင်းသတင်းရင်းမြစ်ထံမှ သိရသည်။
နမ့်တုတ်ကျေးရွာနမ်ဘုရားအနီးတွင် ဆိုင်ကယ်၂ စီးဖြင့် မောင်းနှင်လာသူများက အဆိုပါ စစ်ကောင်စီတပ်ထွက်ဆိုသူကို လာရောက်ပစ်ခတ်ခဲ့ပြီး နေရာတွင်သေဆုံးသွားကြောင်းသိရသည်။
၄င်းပစ်ခတ်ခံရသူမှာ စစ်ကောင်စီ တပ်မ ၅၅ လက် အောက်ခံ ခမရ ၁၈ မှ စစ်ထွက်တစ်ဦးဖြစ်ပြီး ယခင်ကတည်းက စစ်တပ်ကောင်းကြောင်းပြောဆိုတတ်ကာ စစ်တပ်သတင်းပေးတစ်ဦးဖြစ်ပြီး ၄င်းနေအိမ်တွင်လည်း စစ်ကောင်စီတပ်သားများ အမြဲဝင်ထွက်သွားလာလေ့ရှိကြောင်း ဒေသခံများကပြောသည်။
၄င်းကို ဘီလူးချောင်း အနောက်ဖက်ကမ်းကျေးရွာများက လက်မခံသဖြင့် နမ့်တုတ်ရွာတွင်လာရောက်နေထိုင်ခဲ့ခြင်းဖြစ်ကြောင်း သတင်းရင်းမြစ်ကဆို သည်။
အဆိုပါပစ်ခတ်မှုနှင့်ပတ်သက်၍ မည်သည့်အဖွဲ့အစည်းက ပြုလုပ်ကြောင်း HsanLoiVoice မှ အတည်မပြုနိုင်သေးပေ။
ဓါတ်ပုံ – ပစ်ခတ်ခံရသူ၏ ရုပ်အလောင်း ။