သျှမ်းပြည်နယ်မြောက်ပိုင်းတွင် ယမန်နေ့ အောက်တိုဘာလ(၂၇)ရက်နေ့က မြောက်ပိုင်းမဟာမိတ်အဖွဲ့၏ ၁၀၂၇-စစ်ဆင်ရေး စတင်ခဲ့ပြီး မြို့နယ်တော်တော်များများရှိ စစ်ကောင်စီတပ်စခန်းများအား တစ်ပြိုင်နက်တည်း ထိုးစစ်ဆင်တိုက်ခိုက်ခဲ့သည်။
အဆိုပါစစ်ဆင်ရေးကြောင့် သျှမ်းပြည်နယ်မြောက်ပိုင်း လားရှိုးမြို့နယ်ရှိ ယာယီစစ်ဘေးရှောင်စခန်းများတွင် ရောက်ရှိလာသော စစ်ဘေးရှောင်မိဘပြည်သူ စုစုပေါင်း(၃၀၀၀)ဦးကျော်ရှိနေပြီဖြစ်ကြောင်း သိရသည်။
လားရှိုးမြို့နယ် ကုန်းသာကျေးရွာတွင် (၄၅၀)ဦး၊ လားရှိုးမြို့ မန်ဆူဘုန်းကြီးကျောင်းတွင် (၂၀၀၀)ဦး၊ မိုင်းတိမ်ကျေးရွာဘုန်းကြီးကျောင်းတွင် (၅၀၀)ဦး၊ ဟိုပိတ်ဘုန်းကြီးကျောင်းတွင် (၁၀၀)ဦး စုစုပေါင်း(၃၀၀၀)ဦးကျော် ရောက်ရှိထားသည်ဟုဆိုသည်။
၎င်းတို့အထဲတွင် မိုင်းတိမ်ဘုန်းကြီးကျောင်းနှင့် ကုန်းသာကျေးရွာတွင် ရောက်ရှိနေကြသူများသည် မြို့နှင့်အလှမ်းဝေးနေသည့်အတွက် မြို့တွင်းသို့ ဝင်ရောက်ခိုလှုံချင်နေသည်ဟု စစ်ဘေးရှောင်ကူညီရေးဆောင်ရွက်နေသူများက ဖော်ပြထားသည်။
အဆိုပါစစ်ဘေးရှောင်မိဘပြည်သူများ၏ နေ့စဉ်နေထိုင်စားသောက်ရေးကို ကူညီဆောင်ရွက်လိုပါက အောက်ပါပုဂ္ဂိုလ်များထံ ဆက်သွယ်လှူဒါန်းနိုင်ပါသည်။
နန်းငင်းဟွမ် – ဟိုပိတ်ကျေးရွာ
– ၀၉၄၀၃၇၅၁၃၇၄
လုင်းအားတီ – မိုင်းတိမ်
– ၀၉၇၇၀၃၅၈၂၆၆
နန်းငွေကြည် – ကုန်းသာရွာ
– ၀၉၆၆၁၄၆၅၇၅၃
ဆရာတော်ကောလိန္ဒ – မန်ဆူကျောင်း
– ၀၉၄၀၃၇၀၃၀၀၀
