သျှမ်းပြည်နယ်တောင်ပိုင်း ၊ ရွာငံမြို့နယ်၊ ယုံဗွေကွမ်းသီးခြံတွင် စခန်းချပြီး ပြန်တက်လာသည့် တောင်ကြီးခရိုင်ရဲမှူးလိုက်ပါစီးနင်းလာသောစစ်ကောင်စီ ယာဥ်တန်းအား (DPLF) ဓနုပြည်သူ့လွတ်မြောက်ရေးတပ်ဦးမှ အောက်တိုဘာလ (၂၁) ရက်နေ့ နံနက် (၀၈:၀၀) နာရီအချိန် ရေဦးလမ်းမကြီးပေါ်တွင်မိုင်းဆွဲ တိုက်ခိုက်ခဲ့ကြောင်း သတင်းထုတ်ပြန်ထားသည်။
အဆိုပါတိုက်ခိုက်မှုတွင် စစ်ကောင်စီတပ်သား ၁ ဦးသေဆုံးခဲ့ပြီး၊ခရိုင်ရဲမှူးအပါအဝင် ၄ ဦး အပြင်း အထန်ဒဏ်ရာရရှိခဲ့ကြောင်း DPLF က အောက်တိုဘာ ၂၁ ရက်စွဲနဲ့ သတင်းထုတ်ပြန်ထားခြင်းဖြစ်သည် ။
မိုင်းဆွဲတိုက်ခိုက်ခံရပြီးနောက် စစ်ကောင်စီတပ်ဘက်က ရမ်းသမ်း ပစ်ခတ်မှုများ ပြုလုပ်ခဲ့ပြီး ၊ရေဦးလမ်းမကြီးကို ပိတ်ဆို့ စစ်ဆေးမှုများ တင်းကြပ်စွာပြုလုပ်လျှက်ရှိ ရာ DPLF မှ ဓနုဒေသအတွင်း နေထိုင်ကြသည့် ပြည်သူ များအနေနှင့် စစ်ကောင်စီတပ်များတပ်စွဲထားရာ နေရာများကို သတိထားရှောင်ရှားသွားရန်လည်းသတိပေး ထားသည်။
Photo- DPLF