သျှမ်းပြည်နယ် မိုင်းရှူးမြို့နယ်တွင် ဟိုနမ့်ကျေးရွာရှိ အခြေခံပညာမူလတန်းကျောင်းတွင် ပညာသင်ကြားနေသော ကလေးငယ်တစ်ဦးအား စာမရသောကြောင့်ဟုဆိုကာ မျက်နှာတစ်ခုလုံးဖူးရောင်သည်အထိ ဆရာမက ရိုက်နှိက်ခဲ့ကြောင်း သတင်းရရှိသည်။
လက်ရှိအချိန်တွင် အရိုက်ခံထားရသော ကျောင်းသူလေးသည် အရိုက်ခံထားရသော ဒဏ်ရာများကြောင့် အိပ်ရာထဲတွင် လဲနေရပြီး ဦးခေါင်းနာသည်ဟု အကြိမ်ကြိမ် ငြီးတွားလျက်ရှိကြောင်း သိရသည်။
ကလေးငယ်အား ရိုက်နှက်သော ဆရာမသည် ဆရာမနန်းနွန်းဖြစ်ပြီး ကျောင်းသူလေး စာဖြေချိန် ကြန့်ကြာသောကြောင့် ရိုက်နှက်သည်ဟုဆိုသည်။ ကျောင်းသူလေးအား ဒဏ်ရာပြင်းထန်စွာ ရိုက်နှက်ခဲ့သော ဆရာမအား သက်ဆိုင်ရာပညာရေးအဖွဲ့အစည်းက မည်ကဲ့သို့ အရေးယူမည်ကို မသိရသေးပါ။
ကျောင်းသား/သူများအား ဒဏ်ရာပြင်းထန်စွာ ရိုက်နှက်ခြင်းမပြုရန် တစ်ကမ္ဘာလုံးက ပညာရေးအဖွဲ့အစည်းများက တားမြစ်ထားသော်လည်း နှစ်စဉ်နှစ်တိုင်း ကျောင်းသား/သူများ ပြင်းထန်စွာ ရိုက်နှက်ခံရမှုများ မြန်မာနိုင်ငံတွင် ဖြစ်ပေါ်လျက်ရှိသည်။
