အရှေ့တောင်အာရှနိုင်ငံများအစည်းအရုံး (အာဆီယံ) အဖွဲ့ဝင် နိုင်ငံခေါင်းဆောင်များသည် ၂၀၂၆ ခုနှစ်တွင် မြန်မာနိုင်ငံအား အာဆီယံအလှည့်ကျဥက္ကဌအဖြစ် တာဝန်ပေးမည်မဟုတ်ဘဲ ဖိလစ်ပိုင်နိုင်ငံကို ဥက္ကဌနေရာ ပေးအပ်သွားဖြစ်ကြောင်း အင်ဒိုနီးရှားနိုင်ငံ ဂျာကာတာမြို့တွင် ကျင်းပပြုလုပ်သည့် အာဆီယံထိပ်သီးအစည်းအဝေး၌ ဆုံးဖြတ်ခဲ့ကြောင်း သတင်းရရှိသည်။
ယခုကျင်းပပြုလုပ်လျက်ရှိသည့် အာဆီယံထိပ်သီးအစည်းအဝေးတွင်လည်း မြန်မာနိုင်ငံကို ဖိတ်ကြားတက်ရောက်စေခြင်းမပြုခဲ့သလို လာမည့် ၂၀၂၆ ခုနှစ်တွင်လည်း စစ်ကောင်စီခေါင်းဆောင်အနေဖြင့် အာဆီယံထိပ်သီးအစည်းအဝေးကို တက်ရောက်ခွင့်ရှိဦးမည် မဟုတ်ကြောင်း သိရသည်။
၂၀၂၁ ခုနှစ်တွင် စစ်ကောင်စီအဖွဲ့မှ အာဏာသိမ်းမှုပြုပြီးနောက် ကမ္ဘာ့နိုင်ငံအသီးသီးက မြန်မာနိုင်ငံကို စီးပွားရေးအရ ပိတ်ဆို့မှုများပြုလုပ်ခဲ့သလို ယခုအခါ အာဆီယံကပါ စစ်ကောင်စီကို ပြင်းထန်သော ကန့်ကွက်မှုများ ပြသလာခြင်းဖြစ်သည်။
ထို့ကြောင့် လာမည့် ၂၀၂၆ ခုနှစ် အာဆီယံအလှည့်ကျ ဥက္ကဌရာထူးအား ဖိလစ်ပိုင်နိုင်ငံသမ္မတ ဖာဒီနန် မားကိုစ့် ဂျူနီယာမှ တာဝန်ယူဆောင်ရွက်သွားမည်ဖြစ်ကြောင်း သတင်းရရှိသည်။