တောင်ကြီးမြို့နယ်တွင်း သြဂုတ်လ ၂၂ ရက်နေ့က စိတ်ကြွရူးသွပ် မူးယစ်ဆေးပြား ပေါင်း ၆၄၀၀ ပြား ဖမ်းဆီးရမိခဲ့ကြောင်း CCDAC MYANMAR သတင်းထုတ်ပြန်ချက်အရ သိရသည် ။
တောင်ကြီး မြို့ ကံကြီးရပ်ကွက်၊ တောင်ကြီး- ဆိုက် ခေါင်သွားကား လမ်းတွင် အမျိုးသား ၂ ဦးလိုက်ပါလာသော မော်တော်ဆိုင်ကယ်တစ်စီးထံမှ စိတ်ကြွရူးသွပ်ဆေးပြား ၂၀၀၀ ပြား(ဒေသကာလပေါက် ဈေးတန်ဖိုးငွေကျပ် ၁၀ သိန်း)နှင့် လက်ကိုင်ဖုန်း ၂ လုံးတို့အား တွေ့ရှိသိမ်းဆည်းရမိခဲ့ပြီး ကွင်း ဆက်ဖော်ထုတ်ချက်အရ ကျော်အေးဆိုသူ အား ကံကြီးရပ်ကွက်တွင် မော်တော် ဆိုင်ကယ် ၁ စီးနှင့်အတူ စိတ်ကြွရူးသွပ်ဆေးပြား ၄၀၀ ပြား အားတွေ့ရှိခဲ့ကြောင်း သိရသည် ။
ထို့နောက် ကျော်အေး နေထိုင်သည့် တောင်ကြီးမြို့ နယ်၊ ပန်သခွားကျေးရွာရှိ နေအိမ် အတွင်းမှ စိတ် ကြွရူးသွပ်ဆေးပြား ၄၀၀၀ ပြား၊ စုစုပေါင်း စိတ်ကြွရူးသွပ်ဆေး ပြား ၄၄၀၀ ပြား(ဒေသကာလ ပေါက် ဈေး တန်ဖိုးငွေကျပ် ၂၂ သိန်း)အား ထပ်မံတွေ့ရှိသိမ်းဆည်းရမိခဲ့ကြောင်း ဖော်ပြထားသည် ။
အဆိုပါ မူးယစ်ဆေးဝါးလက်ဝယ်တွေ့ရှိသူများအား တောင်ကြီးမြို့မရဲစခန်းတွင်မူးယစ်ဆေးဝါးနှင့် စိတ်ကိုပြောင်းလဲ စေသောဆေးဝါးများဆိုင်ရာဥပဒေအရ အမှုများရေးဖွင့် အရေးယူထားရှိပြီး ကွင်း ဆက်များ ဖော်ထုတ်လျက်ရှိကြောင်း သိရသည် ။
