အဆိုပါဇတ်ကားနာမည်သည် Don’t expect anything ဖြစ်ပြီး Youtube channel ၌ တင်ထားသည်ကို တွေ့ရသည်။ ဖမ်းဆီးခံရသူများသည် Mr. Didier Nusbaumer (၅၂ နှစ်)၊ ဆန်းဝင်း (ခ) ဦးဇာနိန္ဒ (၃၁ နှစ်)၊ ဝင်းမိုး (၃၅ နှစ်)၊ ကျော်သက်ထွေး (၂၈ နှစ်)၊ ရဲလင်းထွန်း (၃၆ နှစ်)၊ မဇာနည်ဦး (၃၆ နှစ်)၊ ယွန်းအိခင် (ခ) ယွန်းယွန်း (၁၂ နှစ်)၊ ချမ်းချမ်းမေ (၁၈ နှစ်)၊ ရွှေရည်ဝင်း (၂၃ နှစ်)၊ ဖြိုးမောင်မောင် (၂၂ နှစ်)၊ ဉာဏ်လင်းဖြိုး (၂၁ နှစ်) စုစုပေါင်း ၁၄ ဦး ဖြစ်သည်ဟု စစ်ကောင်စီမီဒီယာများက ယမန်နေ့က ဖော်ပြထားသည်။
စစ်တပ်၏ အကြောင်းပြချက်တွင် “Isi Dhamma Youtube Channel နှင့် Tiktok တွင် ဗုဒ္ဓဘာသာ၊ သာသနာတော်နှင့် သံယာတော်များအပေါ် အထင်အမြင်လွဲမှားစေရန် ဖန်တီးပုံဖော်ထားသည့် ဘာမှ မမျှော်လင့်ပါနဲ့ Don’t expect anything အမည်ရှိ ဇာတ်လမ်းစတင်ပျံ့နှံ့ခဲ့ရာ ဇတ်လမ်းတွင် အမျိုးသမီးငယ်တဦးမှ ဗုဒ္ဓဘာသာဝင်တို့၏ ယဉ်ကျေးမှု ဓလေ့ထုံးတမ်း အစဉ်အလာများကို ထိခိုက်ညှိုးနွမ်းစေပြီး ရဟန်းသံယာတော်များ၏ အကျင့်သီလအား ပုတ်ခတ်စော်ကားသော အပြောအဆိုနှင့် ရိုင်းပျသည့် စကားလုံးအသုံးအနှုန်းများ ထည့်သွင်း ပြောဆိုသွားခဲ့ကြောင်း” ဖော်ပြထားသည်။