တောင်ကြီးမြို့၊ဘုရားဖြူရပ်တွင် ကျောင်းသား/သူများ တင်ဆောင်လာသည့်ကားတစ်စီး တိမ်းမှောက်ဖြစ်ပွားခဲ့ပြီး ကျောင်း သား/သူ အများအပြားထိခိုက်ဒဏ်ရာရရှိခဲ့ကြောင်း သိရသည်။
“ လ ၁၀ ကျောင်းက လို့သိရတယ် ၊ သေတဲ့ စာရင်းတော့မကြားဘူးပဲ အကုန်အထိနာကြတယ်လို့တော့ အိမ်က က လေးတွေပြောနေကြတယ် အရေးပေါ်ရောက်နေတဲ့ လူကလဲရောက်တယ် ” ဟုတောင်ကြီးမြို့ခံ ကျောင်းသားမိဘ တစ်ဦးကပြောသည်။
ပြီးခဲ့သည့် ဩဂုတ် (၁၄) ရက်မနက် ၈ နာရီချိန်ခန့်ကဘုရားဖြူရပ်ကွက်ရှိ၊ ရပ်တော်မူ အဆင်းလမ်းတွင် ကျောင်းသား/သူများ တင်ဆောင်လာသည့်ကားတစ်စီး ဘရိတ်ပေါက်၍ အရှိန်မထိန်းနိုင်ပဲ တိမ်းမှောက်ဖြစ်ပွားခဲ့ပြီးကားပေါ်လိုက်ပါလာသည့် ယာဥ်မောင်တစ်ဦးအပါအဝင် ကျောင်းသား/သူ စုစုပေါင်း (၂၀) ကျော် ထိခိုက်ဒဏ်ရာရရှိခဲ့ကြောင်း သိရသည်။
၄င်းဖြစ်စဥ်နှင့်ပတ်သက်၍ ထိခိုက်ဒဏ်ရာရသူစာရင်းကို မှ အတည်ပြုနိုင်ခြင်းမရှိသော်လည်း လက်ရှိတွင် ထိခိုက်ဒဏ်ရာရရှိသူ ကျောင်းသား/သူများအား စဝ်စံထွန်းဆေးရုံ၌ကုသခံယူလျက်ရှိနေပြီး အပြင်းအထန်ဒဏ်ရာရရှိသူမျးလဲရှိကြောင်း မြို့ခံများထံမှ သိရသည်။