တောင်ကြီးမြို့နယ်၊ ရွှေညောင်မြို့အမှတ်(၆)အောင်
သပြေရပ်ကွက်တွင် သြဂုတ်လ ၁၄ ရက် ည ၁၁နာရီ ချိန်ခန့်ကလူနေအိမ်တစ်လုံးမီးလောင်၍ အသက် (၄) နှစ်အရွယ်ကလေးငယ်တစ်ဦးမီးထဲ သေဆုံးခဲ့ကြောင်းဒေသခံများထံမှ သိရသည် ။
၄င်းမီးလောင်သည့် အိမ်သည်အောင်သပြေရပ် ကွက် ၊ ဓမ္မရောင်ခြည်ဘုန်းတော်ကြီးကျောင်းအရှေ့ဖက်၊ကျောင်း အုတ်နံရံနှင့်ကပ်လျှက်တည်ရှိပြီး မီးလောင်မှုဖြစ်ပွားစဥ် နေအိမ်တွင်ကလေး (၃) ယောက်သာ ရှိနေကြောင်း ရက်ကွက်နေပြည်သူများကပြောသည် ။
” အဖေဖြစ်သူကဆုံးသွားတာကြာပြီ ၊ အမေဖြစ်သူက အပြင်မှာအလုပ်ကြမ်းသွားလုပ်ရတာလေ အိမ်မှာ ကျန်ခဲ့တာကလေး ၃ ယောက် ၊ မီးကမလာတော့ ဖယောင်းတိုင်မီးထွန်းပြီး အမေပြန်အလာကိုစောင့်ရင်းကအိမ် မီးလောင်ပြီး အငယ်ဆုံးလေးမီးထဲပါ သွားတာစိတ်မကောင်းစရာပဲ ကလေးက ၅ နှစ်ပဲရှိသေးတယ် ” ဟု ရပ်ကွက်နေ ပြည်သူတစ်ဦးကပြောသည် ။
မိခင်ဖြစ်သူအလုပ်သွားချိန်တွင်ကလေး (၃)ယောက်ကို အိမ်မှာထားခဲ့ရပြီးအကြီးဆုံးသမီးမှာ (၁၂)နှစ် ၊ သား အလတ် (၉)နှစ်ခန့်အရွယ် နှင့် အငယ်ဆုံးသားမှာ (၄)နှစ်ခွဲ သာရှိသေးကြောင်း သိရသည် ။
အခင်းဖြစ်ညတွင် မိခင်ဖြစ်သူသည်လုပ်ဖော် ကိုင်ဖက်များနှင့်အတူ တောင်ကြီးမြို့ ၊ ဆောက်လုပ်ရေလုပ်ငန်းခွင် တစ်ခုသို့ အုတ်ကားဖြင့်လိုက်ပါကာ အုတ်အတင်/အချ သွားရောက်လုပ်ကိုင်နေရချိန်ဖြစ်ကြောင်း ကူညီ ကယ်ဆယ်ခဲ့သူများထံမှသိရပါသည် ။
