သျှမ်းပြည်နယ်တောင်ပိုင်း အောင်ပန်း-တောင်ကြီးသွားလမ်းမပေါ်တွင် ယခုရက်ပိုင်းအတွင်း ယာဥ်မတော်တဆမှုများ ဆက်တိုက်ဖြစ်ပွားခဲ့ကြောင်းသိရသည်။
ဇူလိုင် ၁၇ ရက်နေ့က အောင်ပန်း-တောင်ကြီးသွားလမ်း သာမိုင်းခမ်းယူကလစ်တန်းအနီးလမ်းမ၌ ထော်လာဂျီ နှင့် ကားတိုက်မှုဖြစ်ပွားခဲ့ပြီး ရွာသစ်ရပ်ကွက် Happy city ရှေ့လမ်းတွင် ဆိုင်ကယ်မတော်တဆမှုဖြစ်ပွားခဲ့ကာ တစ်ရက်ထဲယာဥ်မတော်တဆမှု ၂ ခုဖြစ်ပွားခဲ့ခြင်းဖြစ်သည်။
၄င်းယာဥ်မတော်ဆစ ဖြစ်ပွားမှုကြောင့် ထိခိုက်ဒဏ်ရာရရှိသူများကို အောင်ပန်းနာရေးကူညီမှုအသင်းကအောင် ပန်းဆေးရုံ အရေးပေါ်ဌာနသို့ ကူညီပို့ဆောင်ပေးခဲ့ကြောင်း သိရသည်။
“ လမ်းကောင်းတယ်ဆိုပြီးအရှိန်မလျှော့ကြတာလေ အရမ်းမောင်းတယ် နေ့ရော ညပါတိုက်တယ် နာ/ကူအ သင်းလဲ လက်မလည်တော့ဘူး ၊ ဖြည်းဖြည်းမောင်းကြပါ” ဟု အောင်ပန်းဒေသခံ တစ်ဦးကသတိပေးပြောဆိုသည်။
ဇူလိုင် ၁၅ ည ၁၀ နာရီကလည်းအောင်ပန်း-တောင်ကြီးသွားလမ်း ပစ္စုပ္ပန်ကျောင်းအနီးတွင် ကားပျက်၍ ရပ်တန့်ထားသော တွဲကားအားမမြင်ပဲ ကားနောက်ပိုင်းသို့ ဆိုင်ကယ်မှ ဝင်တိုက်မိရာ ဆိုင်ကယ်မောင်းနှင်သူပွဲချင်းပြီး သေဆုံးခဲ့သည်။
Photo credit အောင်ပန်း နာ/ကူ