ဇူလိုင်လ(၁၄)ရက်နေ့ ညကတာချီလိတ်မှ ထိုင်းနိုင်ငံသို့ ညတွင်းချင်း အရေးပေါ် ဆေးကုသမှု ခံယူရန်အတွက် ကြွရောက်သွားသည့် မိုင်းဖုန်းဆရာတော် ကျန်းမာရေးအခြေအနေ ပြန်လည် ကောင်းမွန်လာပြီဖြစ်ကြောင်း ဆရာတော်၏ တပည့်သာဝကများထံမှ သိရသည်။
” မိုင်းဖုန်းဆရာတော်ဘုရား ကျန်းမာရေးကောင်းမွန်လာပါပြီ ၊လောလောဆယ် ဆေးရုံကဆရာဝန်တွေကတော့ သွားပိုးစားလို့ သွားတစ်ချောင်းနုတ်ပေးထားတယ် ” ဟု မိုင်းဖုန်းဆရာတော်၏ တပည့်သာဝကတစ်ဦးကအတည် ပြုပြောဆိုသည် ။
မိုင်းဖုန်းဆရာတော်သည် ဇူလိုင်လ(၂)ရက်နေ့ နံနက်ပိုင်းကအထူးဒေသ(၄)မိုင်းလားရှိ မိုင်းခန်ဖဝတ်ဂူသို့ အဓိဌာန်မဝင်မီ မှိုဆွမ်းဟင်းဘုဉ်းပေးမိခဲ့ရာမှ မူးဝေပျို့အန်သည့် ဝေဒနာခံစားခဲ့ရပြီးနောက်ပိုင်း ဇူ လိုင်လ(၈)ရက်နေ့တွင် ထိုင်းနိုင်ငံ ချင်းရိုင်းမြို့ရှိ ဘန် ကောက်ဆေးရုံတွင် ဆေး ဝါးကုသမှု ခံယူခဲ့သည် ။
ဇူလိုင်လ(၁၀)ရက်နေ့တွင် တာချီလိတ်မြို့မိုင်းဖုန်း (က)ကျေးရွာအုပ်စုရှိ ကျောင်းတိုက်သို့ ပြန်လည်ကြွရောက်လာခဲ့ပြီး ဇူလိုင်လ(၁၄)ရက်နေ့ ည ၉ နာရီချိန်ခန့်က ထိုင်းနိုင်ငံသို့ ဒုတိယအကြိမ်ညတွင်းချင်း အရေးပေါ် ဆေးကုသမှု ခံယူခဲ့ရာမှ ယခုကဲ့သို့ ကျန်း မာရေးပြန်လည် ကောင်းမွန်လာခဲ့ခြင်းဖြစ် သည် ။
