သျှမ်းပြည်နယ်မြောက်ပိုင်း လားရှိုးမြို့နယ် လွိုင်လွမ့်ကျေးရွာရှိ ဘောလုံးကွင်းအတွင်းတွင် အိမ်ခြေရာမဲ့အမျိုးသားတစ်ဦး သေဆုံးနေသည်ကို ဇူလိုင်လ (၁၆)ရက်နေ့က တွေ့ရှိခဲ့ရကြောင်း သိရသည်။ သေဆုံးသူအမျိုးသားသည် ပြင်ဦးလွင်မြို့တွင် နေထိုင်သူဖြစ်ပြီး ၎င်းအလောင်းအား လားရှိုးလူငယ်များ လူမှုကူညီရေးအဖွဲ့က လားရှိုးပြည်သူ့ဆေးရုံကြီး ရင်ခွဲရုံသို့ ပို့ဆောင်ပေးခဲ့သည်။
အလားတူ သျှမ်းပြည်နယ်မြောက်ပိုင်း သီပေါမြို့နယ် စေ◌ျးရပ်ကွက် နမ့်ပေါ့ချောင်းရှိ ချုံပုတ်တစ်ခုအတွင်း အမျိုးသားတစ်ဦး သေဆုံးနေသည်ကို ယမန်နေ့ည (၇)နာရီခန့်က တွေ့ရှိခဲ့ကြောင်း သိရသည်။ သေဆုံးသူသည် သီပေါမြို့နယ် နမ့်ရမ်းကျေးရွာတွင် နေထိုင်သူ စောပီယ ဆိုသူဖြစ်ကြောင်း သတင်းရရှိသည်။ မည်သည့်အတွက်ကြောင့် သေဆုံးသည်ကို မသိရသေးပါ။
