သျှမ်းပြည်နယ်တောင်ပိုင်း လဲချားမြို့ ရပ်ကွက်(၃) မြို့မဈေးအနီး၌ ယနေ့ ဇွန်လ (၁၅)ရက်နေ့ နံနက်(၉း၃၀)ခန့်တွင် လူငယ်တစ်ဦး သေနတ်ပစ်ခံရပြီး ပွဲချင်းပြီး သေဆုံးခဲ့ကြောင်း သိရသည်။ သေဆုံးသူ၏ အမည်နှင့်နေရပ်လိပ်စာကို မသိရသေးသလို လာရောက်ပစ်ခတ်သူကိုလည်း မြင်တွေ့လိုက်ရခြင်းမရှိကြောင်း ဒေသခံများက ပြောပြသည်။
သျှမ်းပြည်နယ်တောင်ပိုင်း လဲချားမြို့နယ်တွင် RCSS အဖွဲ့နှင့် UWSA ဦးဆောင်သည့် မြောက်ပိုင်းမဟာမိတ်အဖွဲ့တို့ စစ်ရေးပဋိပက္ခဖြစ်ပွားလျက်ရှိသည့် နေရာဖြစ်သည်။ လက်ရှိတွင် လဲချားမြို့နယ်အတွင်း SSPP အဖွဲ့မှ ဝင်ထွက်သွားလာလျက်ရှိသလို တပ်သားသစ်စုဆောင်းမှုများကြောင့် ဒေသခံ အများအပြား ထွက်ပြေးတိမ်းရှောင်နေရသည်။