သျှမ်းပြည်နယ်မြောက်ပိုင်း လားရှိုးမြို့၌ အခြေအနေမဲ့ အိမ်ခြေရာမဲ့နှင့် မူးယစ်ဆေးဝါးအသုံးလွန်ပြီး သေဆုံးမှု ဆက်တိုက်ဖြစ်ပေါ်လျက်ရှိပြီး ၂၃.၅.၂၀၂၃ ရက်နေ့၊ မွန်းလွဲ (၃း၃၀) ခန့်ကလည်း လားရှိုးမြို့၊ ရပ်ကွက် (၆)၊စိန်ပန်းလမ်း၌ အမျိုးသားတစ်ဦး သေဆုံးနေသည်ကို တွေ့ရှိခဲ့ကြောင်း သိရသည်။
သေဆုံးသူသည် အမျိုးသားဖြစ်ပြီး အမည်နှင့်နေရပ်လိပ်စာကိုမသိရသေးပါ။ သေဆုံးသူအလောင်းအား လားရှိုးလူငယ်များ လူမှုကူညီရေးအဖွဲ့က သယ်ဆောင်၍ လားရှိုးပြည်သူ့ဆေးရုံကြီး-အရေးပေါ်ဌာနသို့ ပို့ဆောင်ကူညီပေးခဲ့ပါသည်။
ယခုတစ်ပတ်အတွင်း လားရှိုးမြို့တွင် ပိုင်ရှင်မဲ့အလောင်း (၃) လောင်း တွေ့ရှိခဲ့ပြီဖြစ်သည်။