သျှမ်းပြည်နယ်မြောက်ပိုင်း ကျောက်မဲမြို့နယ် ဂုတ်တွင်းအကွေ့ တံတားအနီး၌ ဘိလိပ်မြေတင်ဆောင်လာသော (၆) ဘီးကားတစ်စီး ယနေ့ (၈.၅.၂၀၂၃) ရက်နေ့ နံနက် (၁ဝး၁၅) မိနစ်ခန့်တွင် မတော်တဆတိမ်းမှောက်ခဲ့ကြောင်း သိရသည်။
ယာဉ်တိမ်းမှောက်မှုကြောင့် ယာဉ်မောင်းဖြစ်သူ အမျိုးသားတစ်ဦး ထိခိုက်ဒဏ်ရာအနည်းငယ်ရရှိခဲ့ပြီး ကမ်းလင့်လက်များလူမှုကူညီအသင်းက ရှေးဦးသူနာပြုစုနည်းအတိုင်း ကူညီဆောင်ရွက်ပေးခဲ့သည်။
ဂုတ်တွင်းအတွင်း မောင်းနှင်သော ယာဉ်မောင်းများအနေဖြင့် အရှိန်ထိန်းမောင်းနှင်ကြရန်နှင့် အတက်ယာဉ်ကိုဦးစားပေးရန် လိုအပ်ကြောင်း ယာဉ်မောင်းတစ်ဦးက တိုက်တွန်းထားသည်။