တန့်ယန်းမြို့နယ်တွင် တွင်ခုံလုပ်သူများနှင့် စစ်ကောင်စီအဖွဲ့တို့ ပစ်ခတ်မှုဖြစ်ပွားပြီး တွင်ခုံမှ လူအချို့ သေဆုံး

သျှမ်းပြည်မြောက်ပိုင်း၊ တန့်ယန်းမြို့နယ် မိုင်းပတ်ကျေးရွာအုပ်စု၊ မန်လွယ်ရွာရှိ စိုင်းဆန်အုံး၏ တွင်ခုံကို စစ်ကောင်စီအဖွဲ့ဝင်အချို့ ဝင်ရောက်စစ်ဆေးရာ အပြန်လှန် ပစ်ခတ်မှုဖြစ်ပွားခဲ့ကြောင်း စစ်ကောင်စီ သတင်းအရင်းအမြှစ်များက ယနေ့ ရေးသားဖော်ပြထားသည်။

ပစ်ခတ်မှုကြောင့် တွင်ခုံမှ လူအချို့ သေနတ်ထိမှန် သေဆုံးသွားသည်ဟု သိရသည်။

တွင်ခုံမှ ပစ္စတို ၆ လက်၊ တူမီး ၅ လက်၊ လေသေနတ် ၂ လက်၊ ပြုလုပ်ဆဲ သေနတ်အစိတ်အပိုင်းများ၊ ကျည်ဆံများ၊ စိတ်ကြွဆေးပြား ၈၀ ပြား၊ SSPP/SSA အဖွဲ့ဝင်ကတ် ၁ ခုတို့ကို သိမ်းဆည်းလိုက်ကြောင်း ရေးသားဖော်ပြထားသည်။