ချင်းပြည်နယ် ထန်တလန်မြို့နယ်ရှိ ရဲစခန်းတစ်ခုအား ချင်းအမျိုးသားတပ်ဦး (CNA) နှင့် ချင်းကာကွယ်တပ်ဖွဲ့ (CDF) တို့ ပူးပေါင်းပြီး ဖေဖော်ဝါရီလ (၈) ရက်နေ့ ည(၁၀) နာရီဝန်းကျင်ခန့်တွင် သွားရောက်တိုက်ခိုက်ခဲ့ပြီး နံနက် (၁) နာရီတွင် အဆိုပါရဲစခန်းအား တိုက်ခိုက်သိမ်းပိုက်နိုင်ခဲ့ကြောင်း သိရသည်။
ထန်တလန်ရဲစခန်းကို သိမ်းပိုက်နိုင်ခဲ့မှုကြောင့် ဒရုန်းပစ်လက်နက်အပါအဝင် လက်နက်ပေါင်း (၄၀) ကျော်ရရှိခဲ့ကြောင်း ဒေသသတင်းများက ဖော်ပြထားသည်။
အဆိုပါတိုက်ပွဲကြောင့် စစ်ကောင်စီရဲတပ်သား များစွာ သေဆုံးခဲ့သလို CNA တပ်သားတစ်ဦးလည်း ကျဆုံးခဲ့ကြောင်း ချင်းပြည်နယ်ဒေသခံသတင်းအရင်းများက ဖော်ပြခဲ့သည်။ ယနေ့နံနက်ပိုင်းတွင် စစ်ကောင်စီမှ တိုက်လေယာဉ်များဖြင့် ဗုံးကြဲတိုက်ခိုက်မှု ပြန်လည်ပြုလုပ်နေကြောင်း သတင်းရရှိသည်။
credit & original uploaded
