၂၀၂၂ ခုနှစ်၊ အောက်တိုဘာလ ၁၄ ရက် ယနေ့ နံနက်ပိုင်း ၁၁း၀၀ နာရီဝန်းကျင်ခန့်တွင် သျှမ်းပြည်နယ် မိုင်းပျဥ်းမြို့နယ်၊ မိုင်းပုအွန်ကျေးရွာအုပ်စု၊ ဝမ်ပျက်ရွာရှိ မတ်စ်ဂျိဒိ ရယှီဒီယဟ် ဂျာမိအ်ဗလီသို့ မိုင်းဖုန်းဆရာတော် ကြွရောက်လာပြီး အလှူငွေများ ပေးအပ်သွားသည်ဟု သိရသည်။
ဗလီရှေ့ဆောင်ဆရာအား ဆုတောင်း ဒုအာပြုစေကာ ဗလီဝတ်ကျောင်းတော်၏ လိုအပ်သည့်နေရာသုံးစွဲရန်အတွက် အလှူငွေ ၁၀ သိန်းကျပ်၊ ဗလီရှေ့ဆောင်ဆရာအတွက် ၅ သိန်း ၃ ထောင်ကျပ်၊ ဗလီ နာယက ဟာဂျီဦး ပီစိုင်းနှင့် ဇနီးတို့အား ၂ သိန်းကျပ်၊ ဗလီဝတ်ကျောင်းတော်ဝင်းအတွင်း ရောက်ရှိလာသော အစ္စလာမ်ဘာသာဝင် မိသားစုများအား ၁ ဦးလျှင် ဘတ် ၅၀ စီ လှူဒါန်းခဲ့သည်ဟု သိရသည်။
မိုင်းဖုန်းဆရာတော်ဘုရားသည် ယခင် ၂၀၁၇-၂၀၁၈ ခုနှစ်တွင်လည်း ဗလီသို့ ကြွရောက်လာခဲ့ပြီး ဗလီမွမ်းမံရန် အလှူငွေများ ပေးအပ်ဖူးကြောင်း သိပါသည်။