ထိုင်း-မြန်မာချစ်ကြည်ရေးမယ်ဆိုင် -တာချီလိတ်အမှတ် ၁ တံတားပြန်လည်ဖွင့်လှစ်ရန် ညှိနှိုင်းအ စည်းဝေးများ မကြာခဏပြုလုပ်နေသော်လည်းယနေ့ ထက်ထိဖွင့်လှစ်ရန်မသေချာသေးကြောင်း သိရသည် ။
ပြီးခဲ့သည့်ရက်ပိုင်းကတာချီလိတ် မြို့နယ်အတွင်းရှိစစ်ကောင်စီလက်အောက်ခံ ဌာနဆိုင်ရာများတွေ့ဆုံကာဆွေး နွေးညှိနှိုင်းမှုအစည်းအဝေးများပြုလုပ်နေသော် လည်း တိကျသည့်အဖြေမရရှိသေးကြောင်း သိရသည် ။
“ ထိုင်းဖက်က ဖွင့်ပေးဖို့ကသဘောတူညီမှုတွေရှိနေပေမဲ့ ဒီမြန်မာဖက်ခြမ်းက မသေချာသေးတာ အစည်းဝေးတွေ ခဏခဏလုပ်တယ် ခုထိအဖြေမထွက်သေးဘူး ခုလည်း သန့်ရှင်းရေးတွေလုပ်နေတယ် ဒါပေမဲ့ဘယ်နေ့ဖွင့် မလဲမတိအကျမသိဘူး ” ဟု တာချီလိတ်မြို့ခံတစ်ဦးကပြောသည် ။
ထိုင်းသတင်းဌာနများမှ လာမည့် ဇန်နဝါရီလ (၂၂) ရက်နေ့တွင် ထိုင်း -မြန်မာ အမှတ် ၁ ချစ်ကြည်ရေး တံတား (မယ်ဆိုင်-တာချီလိတ်)အားဖွင့်လှစ်မည်ဟုဖော်ပြထားသော်လည်း မြန်မာနိုင်ငံမှ တိကျသည့်ဆုံးဖြတ်ချက်မချမှတ်နိုင်သေးကြောင်း သိရသည် ။
အဆိုပါ အမှတ် (၁) တံတားသည် ကိုဗစ် ၁၉ ကပ်ရောဂါ နှင့်မြန်မာနိုင်ငံရေးအရှုပ်အထွေးများကြောင့်နှစ်နိုင်ငံ ကူးသန်းသွားလာခွင့် ပိတ်ထားသည် မှာ ၃ နှစ်ကျော်ကြာပြီဖြစ်ကြောင်း သိရသည် ။