သျှမ်းပြည်နယ်တောင်ပိုင်း၊ ညောင်ရွှေမြို့နယ်၊ အင်းလေးကန် မြေနီကုန်းရွာအနီးတွင် အောက်တိုဘာလ ၁၆ ရက်၊ နံနက်ပိုင်းက ဘုရားဆွဲလှေမှ ရေထဲပြုတ်ကျပြီး ပျောက်ဆုံးနေသော Grade-12 ကျောင်းသားတစ်ဦး သေဆုံးလျှက်ပြန်လည်တွေ့ ရှိခဲ့ကြောင်းသိရသည် ။
အင်းလေးဖောင်တော်ဦးဘုရား ရုပ်ရှင်တော်မြတ် ၄ ဆူ ငါးဖယ်ချောင်းကျေးရွာမှ ကြေးစားကုန်းကျေးရွာသို့ ကြွချီစဉ် ယနေ့ နံနက် ၈ နာရီခန့်က ကျွန်းကြီးကျေးရွာအုပ်စု၊ မြေနီကုန်း ကျေး ရွာအနီး အရောက်တွင် လယ်သစ် (အောက်ရွာ)၊ ငါးဖယ်ချောင်းအုပ်စုနေ ကျန်းမာရေးမကောင်းသူ အသက် ၁၆ နှစ်အရွယ် Grade-12 ကျောင်းသား မောင်ကြယ်စင်လင်း ရေထဲ ပြုတ်ကျခဲ့ပြီးပျောက်ဆုံးသွားကြောင်း သိရသည်။
အဆိုပါ ကျောင်းသား ပြုတ်ကျသည့်နေရာတွင်ပရဟိတကယ ဆယ်ရေးအဖွဲ့ဝင်များမီးသတ်တပ်ဖွဲ့ဝင်များ ဒေသခံများမှ
ဝိုင်း ဝန်းရှာဖွေလျက်ရှိရာ မွန်းလွှဲ (၃) နာရီအချိန်ခန့်တွင် သေဆုံးလျှက်ပြန်လည်တွေ့ရှိခဲ့ကြောင်းသိရသည်။
ဘုရားပွဲကျင်းပရာ အောက်တိုဘာလ ၁၃ ရက်ကလည်း အင်းလေးကန်ဒေသ၊ ဟဲယာရွာမတွင် ဘုရားပွဲ လိုက်ပါ လာသော လှေယဉ်တစ်စီး ရေဝင်တိမ်းမှောက်မှု ဖြစ်ပွားခဲ့သေးပြီး လူထိခိုက်မှု မရှိခဲ့ကြောင်း သိရသည်။
Photo – အောက်တိုဘာလ ၁၃ ရက်က၊ဟဲယာရွာမတွင်လှေမှောက်သည့်မြင်ကွင်း