သျှမ်းပြည်နယ်အရှေ့ပိုင်း၊ မိုင်းဆတ်မြို့နယ်တွင် အရွယ်မရောက်သေးသည့်ညီအစ်ကို ၃ ဦးအား မူးယစ်ဆေးဝါး သုံးစွဲ လွန်၍ ဆေးကြောင်နေသူ အမျိုးသားတစ်ဦးမှ စမ်းချောင်းတွင်သတ်ဖြတ်ခဲ့ပြီးလက်ရှိ ဖမ်းဆီးရမိထားကြောင်း ဒေသခံများထံမှသိရသည်။
” ကလေးတွေကို သတ်သွားတဲ့သူကိုမိပြီ သူက ကလေးတွေနဲ့အသိတွေပဲ ဆေးကြောင် ဆေးရင်းထပြီးသတ်သွားတာ ရက်ရက်စက်စက်ပဲ ဆေးသမားတွေက ရင်းထလာရင် လူစိတ်ပျောက်တတ်တယ် အကုန်တရုတ်ကလေးတွေပဲ ” ဟု ဒေသခံတစ်ဦးကအတည်ပြုပြောဆိုသည်။
သေဆုံးသည့်ကလေးငယ် ၃ ဦးမှာအသက် ၅ နှစ်မှ ၁၂ နှစ်အရွယ် သာရှိသေးပြီး ၄င်းတို့ကို မူးယစ်ဆေးစွဲနေသည့် အသက် ၂၀ အရွယ် စန်တလ ဆိုသူက ရွာမြောက်ဖက်က စမ်းချောင်းတွင် သတ်ဖြတ်ခဲ့ကြောင်း ရဲသတင်းများ၏ဖော်ပြချက်အရသိရသည်။
သေဆုံးသူများမှာ ဖန်နားပိုကျေးရွာ၊ ကျတီကျေးရွာအုပ်စု၊ မိုင်းဆတ်မြို့နယ်နေ အသက် ၁၂ နှစ်အရွယ် လော်နောင် (ခ) လော်ဖူ၊ အသက် ၉ နှစ်အရွယ် ယားပါလုံးနှင့် အသက် ၅ နှစ်အရွယ် အားဖြိုတို့ ဖြစ်ကြောင်းသိရသည်။
ဖြစ်စဥ်မှာအဆိုပါကလေးသုံးဦး၏ မိဘနှစ်ဦးသည် အောက် တိုဘာ ၄ ရက် နံနက် ၆ နာရီခန့်တွင် တောင်ယာလုပ်ကိုင်ရန်သွားစဥ် နေအိမ်၌ကလေး များထားခဲ့ပြီး နံနက် ၁၀ နာရီခန့်တွင် မိဘနှစ်ဦး နေ့လယ်စာစားရန် နေအိမ်သို့ ပြန်ရောက်ချိန်တွင် အသက် ၁၂ နှစ်အရွယ် လော်နောင်တစ်ဦးကိုသာ တွေ့ရပြီး ကျန်ကလေးနှစ်ဦးကို သွားရောက်ခေါ်ယူရန် စေလွှတ်ခဲ့သော်လည်း မွန်းလွဲ ၃ နာရီအထိ ကလေးသုံးဦးလုံး နေအိမ်သို့ ပြန်ရောက်လာခြင်း မရှိကြောင်း သိရသည်။
ထို့နောက် မိသားစုဝင်များနှင့် ရွာသားများက ကလေးများ သွားလာလေ့ရှိသည့် နေရာများကို လိုက်လံရှာဖွေခဲ့ကြပြီး အောက်တိုဘာ ၅ ရက် မွန်းလွဲ ၃ နာရီခန့်တွင် ဖန်နားပိုကျေးရွာ၏ မြောက်ဘက် သုံးဖာလုံခန့်အကွာရှိ တောင်ကျစမ်းချောင်းအတွင်း ကလေးသုံးဦးကို ဒဏ်ရာများဖြင့် သေဆုံးနေသည်ကို တွေ့ရှိခဲ့ကြောင်း သိရသည်။
ဖြစ်စဥ်မှာအဆိုပါကလေးသုံးဦး၏ မိဘနှစ်ဦးသည် အောက် တိုဘာ ၄ ရက် နံနက် ၆ နာရီခန့်တွင် တောင်ယာလုပ်ကိုင်ရန်သွားစဥ် နေအိမ်၌ကလေး များထားခဲ့ပြီး နံနက် ၁၀ နာရီခန့်တွင် မိဘနှစ်ဦး နေ့လယ်စာစားရန် နေအိမ်သို့ ပြန်ရောက်ချိန်တွင် အသက် ၁၂ နှစ်အရွယ် လော်နောင်တစ်ဦးကိုသာ တွေ့ရပြီး ကျန်ကလေးနှစ်ဦးကို သွားရောက်ခေါ်ယူရန် စေလွှတ်ခဲ့သော်လည်း မွန်းလွဲ ၃ နာရီအထိ ကလေးသုံးဦးလုံး နေအိမ်သို့ ပြန်ရောက်လာခြင်း မရှိကြောင်း သိရသည်။
ထို့နောက် မိသားစုဝင်များနှင့် ရွာသားများက ကလေးများ သွားလာလေ့ရှိသည့် နေရာများကို လိုက်လံရှာဖွေခဲ့ကြပြီး အောက်တိုဘာ ၅ ရက် မွန်းလွဲ ၃ နာရီခန့်တွင် ဖန်နားပိုကျေးရွာ၏ မြောက်ဘက် သုံးဖာလုံခန့်အကွာရှိ တောင်ကျစမ်းချောင်းအတွင်း ကလေးသုံးဦးကို ဦးခေါင်းနှင့် ခန္ဓာကိုယ်တို့တွင် ပြတ်ရှ၊ ကွဲအက်ဒဏ်ရာများဖြင့် မှောက်လျက် သေဆုံးနေသည်ကို ရှာဖွေတွေ့ရှိခဲ့ကြောင်းသိရသည်။
အဆိုပါဖြစ်စဥ်အဆိုပါဖြစ်စဥ်နှင့်ပတ်သက်၍ သုံးလောင်းပြိုင် လူသတ်မှု ကျူးလွန်သူ စန်တလကို မိုင်းဆတ်မြို့နယ် ရဲစခန်းက အရေးယူ ဆောင်ရွက်လျက်ရှိကြောင်းသိရသည်။
