တောင်ကြီးမြို့၊ကျောင်းကြီးစုရပ်ကွက်၊ နယ်မြေ (၁၃)၊ ကျောက် တစ်လုံးလမ်း ၊ အဝေရာမီးပုံးပျံကွင်းရှေ့က ရေဆေးဆီလိုက် နှင့် ဆိုင်ကယ်ပြုပြင်ရေးဆိုင် တစ်ဆိုင် ယနေ့နံနက် ၄ နာရီ ကျော်ခန့်က မီးလောင်မှုဖြစ်ပွား ခဲ့ကြောင်းသိရသည်။
” မီးလောင်သွားတဲ့အိမ်က မီးပုံးပျံ ကွင်းရှေ့ကကား show room ၊ EV ကား charging သွင်းတဲ့နေရာရဲ့ မြောက်ဘက် မျက်စောင်းထိုးနေရာ street bar ရဲ့ ကပ်လျှက်ပဲ ၊ဘေးက ဂစ်က်ဆိုင် တွေ စားသောက် ဆိုင်တွေ လည်းရှိတယ်ဗျ ၊တော်သေး မီးသတ် ၂ ကားရောက်တာစောလို့ ” ဟု ၄င်းနေရာအနီးနေထိုင်သူတစ်ဦးကပြောသည်။
အဆိုပါမီးလောက်မှုသည် ရေဆေးဆီလိုက် နှင့် ဆိုင်ကယ်ပြုပြင်ရေးဆိုင်ဖွင့်ထားသောနေအိမ်မှ အောက် ထပ် လှေခါးအနီးတွင် ဖုန်းပါဝါဘန့်အား အားသွင်းထားရှိရာမှအပူလွန်ကဲကာနေအိမ်မီးကူးစက် လောင် ကျွမ်းခြင်းဖြစ် ကြောင်း တောင်ကြီး မီးသတ်ဌာနမှ စုံစမ်းသိရသည်။
အခင်းဖြစ်နေရာသို့ မီးသတ်တပ်ဖွဲ့ဝင် နှင့် မီးသတ်ကား(၄)စီး၊ ရေသယ်ကား ၁ စီး ရောက်ရှိ ကာ ငြိမ်းသတ်ခြင်းကြောင့် မနက် ၅ နာရီ ကျော် အချိန်တွင် မီးငြိမ်းသတ်နိုင်ကြောင်း သိရသည်။
မီးလောင်ကျွမ်းမှုကြောင့် နေအိမ်အပေါ်ထပ်/အောက်ထပ်အပါအဝင် လူ့အသုံးအဆောင်ပစ္စည်းများ မီးလောင်ကျွမ်းပျက်စီးဆုံးရှုံးခဲ့ကာ ကာလ တန်ဖိုးငွေ ၂၀ သိန်းကျပ်ခန့် ဆုံးရှုံးခဲ့ပြီး လူ/ တိရစ္ဆာန်များ ထိခိုက်မှုမရှိကြောင်း သိရသည်။