သျှမ်းပြည်အရှေ့ပိုင်း၊ တာချီလိတ်မြို့ရှိ ဝမ်ကောင်းရပ်ကွက်အတွင်း အွန်လိုင်းလိမ်လည် လုပ်ငန်း လုပ်ကိုင်သူ တရုတ်နိုင်ငံသား ၅ ဦး အပါအဝင် စုစုပေါင်း ၅၆ ဦးအား ဆက်စပ်ပစ္စည်းနဲ့အတူ စက်တင်ဘာ ၉ ရက် ညနေပိုင်းက ဖမ်းဆီးရမိ ခဲ့တယ်လို့ သိရပါတယ်။
ဖမ်းဆီးရမိသူတွေထဲမှာ တရုတ်နိုင်ငံသား အမျိုးသား ၅ ဦး၊ မြန်မာနိုင်ငံသား အမျိုးသား ၂၅ ဦးနဲ့ အမျိုးသမီး ၂၆ ဦး စုစုပေါင်း ၅၆ ဦးတို့ ပါဝင်တယ်လို့ သိရပါတယ်။
ဒါ့အပြင် အွန်လိုင်းလိမ်လည် လုပ်ငန်းလည်ပတ်ရာ အသုံးပြုတဲ့ ဆက်စပ်ပစ္စည်တွေဖြစ်တဲ့ ကွန်ပျူတာ မျိုးစုံ ၆၀ လုံး၊ Wifi စက် ၅ လုံး၊ လိုင်စင်မဲ့မော်တော်ယာဉ် ၂ စီး၊ ဆက်စပ်ပစ္စည်းတို့နဲ့အတူ သိမ်းဆည်းရမိခဲ့တယ်လို့ ဆိုပါတယ်။
လက်ရှိဖမ်းဆီးရမိသူတွေကို လိုအပ်တဲ့ စစ်ဆေးမှုတွေ ဆောင်ရွက်ပြီးစီးပါက တည်ဆဲဥပဒေ များနဲ့အညီ ပြင်းထန်စွာ အရေးယူဆောင်ရွက်သွားမှာဖြစ်ပြီး ကျားဖြန့်လုပ်ငန်း ပပျောက်ရေးနဲ့ မြန်မာနိုင်ငံအတွင်း အခြေချလုပ်ကိုင်နိုင်မှု မရှိစေရေးအတွက် ဒေသတွင်းနိုင်ငံတွေနဲ့ ပူးပေါင်း ဆောင်ရွက်နေတယ်လို့ စစ်ကောင်စီက ထုတ်ပြန်ထားပါတယ်။