အာဏာသိမ်း သမ္မတ မင်းအောင်လှိုင် ဦးဆောင်တဲ့ ကိုယ်စားလှယ်အဖွဲ့ရဲ့ ဗီယက်နမ် ခရီးစဥ်ကို ယနေ့ စက်တင်ဘာလ ၄ ရက်နေ့ နံနက်ပိုင်းမှာ စတင်ထွက်ခွာခဲ့ပါတယ်။
ဗီယက်နမ်ဆိုရှယ်လစ်သမ္မတနိုင်ငံ သမ္မတ မစ္စတာ တိုလန်း ရဲ့ ဖိတ်ကြားချက်အရ သွားရောက် တာဖြစ်ပြီး ခရီးစဥ်အတွင်း ဗီယက်နမ်နိုင်ငံသမ္မတနဲ့ တွေ့ဆုံပြီး နှစ်နိုင်ငံဆွေးနွေးပွဲ ကျင်းပတာ၊ ဗီယက်နမ်နိုင်ငံ ဝန်ကြီးချုပ်နဲ့ ဗီယက်နမ်နိုင်ငံ အမျိုးသားလွှတ်တော်ဥက္ကဋ္ဌတို့နဲ့ တွေ့ဆုံတာအပြင် စီးပွားရေး အဖွဲ့အစည်းမှ ပုဂ္ဂိုလ်တွေနဲ့လည်း တွေ့ဆုံသွားမှာ ဖြစ်ပါတယ်။
ဒါ့အပြင် မြန်မာ-ဗီယက်နမ် စီးပွားရေးဖိုရမ်ကို တက်ရောက်ဖို့ရှိနေပြီး ဗီယက်နမ်နိုင်ငံရှိ ဒီဂျစ်တယ်နည်းပညာနဲ့ စက်မှုလုပ်ငန်းတွေကို သွားရောက်လေ့လာသွားမှာ ဖြစ်တယ်လို့ သိရပါတယ်။
အခု အာဏာသိမ်း သမ္မတ ရဲ့ ဗီယက်နမ် ခရီးစဥ်ဟာ အာဆီယံဒေသထဲက တတိယမြောက်နိုင်ငံ ခရီးစဥ်ပဲ ဖြစ်ပါတယ်။
Photo:PPIB