စနေနေ့ညက ကျင်းပပြုလုပ်တဲ့ အိမ်ဖြူတော်သတင်းထောက်များအသင်း (White House Correspondents’ Association) ညစာစားပွဲမှာ ကျယ်လောင်တဲ့ ပေါက်ကွဲသံများ ကြားရပြီးနောက် သမ္မတ ဒေါ်နယ်ထရမ့်နဲ့ သမ္မတကတော် မီလန်နီယာ ထရမ့်တို့ကို လျှို့ဝှက်ဝန်ဆောင်မှုအဖွဲ့ (Secret Service) အေးဂျင့်များက အခမ်းအနားအတွင်းမှ အရေးပေါ် ခေါ်ထုတ်သွားခဲ့ရကြောင်း သိရပါတယ်။
ထရမ့်ကို အခမ်းအနားအတွင်းမှ အရေးပေါ် ခေါ်ထုတ်သွားပြီးနောက် တစ်နာရီခန့်အကြာမှာ “ သေနတ်သမားကို ဖမ်းဆီးရမိပြီ” လို့ ထရမ့်က ၎င်းရဲ့ Truth Social လူမှုမီဒီယာတွင် ပို့စ်တင်ခဲ့ပါတယ်။
“ ဒီည ဒီစီ (D.C.) မှာ ဖြစ်ပျက်ခဲ့တာတွေက တကယ့်ကို ထူးခြားတဲ့ ညတစ်ညပါပဲ။ လျှို့ဝှက်ဝန်ဆောင်မှုအဖွဲ့နဲ့ ဥပဒေစိုးမိုးရေးအဖွဲ့တွေက အလုပ်ကို အကောင်းဆုံး လုပ်ဆောင်နိုင်ခဲ့ကြပါတယ်” လို့ ထရမ့်က ပြောကြားခဲ့ပါတယ်။
ပေါက်ကွဲသံများ ကြားရပြီးနောက် ညစာစားပွဲသို့ တက်ရောက်လာသူများမှာ စကားပြောဆိုမှုများ ချက်ချင်းရပ်သွားကာ
“ ဝပ်နေကြ၊ ဝပ်နေကြ!” ဟု အော်ဟစ်သံများ ထွက်ပေါ်လာခဲ့ပါတယ်။
ညစာစားပွဲသို့ တက်ရောက်လာသူ ဧည့်သည်ပေါင်း ၂,၆၀၀ ခန့်အနက် အများအပြားမှာ ဘေးလွတ်ရာသို့ ပုန်းအောင်းခဲ့ကြပြီး စားပွဲထိုးများမှာလည်း ခန်းမရှေ့ဘက်သို့ ထွက်ပြေးခဲ့ကြတယ်လို့ သိရပါတယ်။
ကိုးကား − Reuters