တောင်ကြီးမြို့၊ ပြည်တော်သာရပ်ကွက် နှင်းဆီလမ်းနှင့် ဂုဏ်ထူးလမ်းထောင့် မြတ်သူ ဓါတ်ဆီပန့်ဆိုင်အနီးတွင် မတ်လ ၂၇ ရက် ၊ မနက်ပိုင်း ၁၀ နာရီခွဲ အချိန်က နေအိမ်တစ်လုံး မီးလောင်ကျွမ်းခဲ့ကြောင်း ကူညီကယ်ဆယ်ရေးအဖွဲ့ထံမှ သိရသည်။
ဂဲစ်ဘူးဖြင့်ထမင်းချက်ရာမှနေအိမ် မီးလောင်ကျွမ်းခဲ့ခြင်း ဖြစ်ပြီး လူ (၄) ဦး ဒဏ်ရာရကာ အိမ်အောက်ထပ်၌ဖွင့်လှစ်ထားသည့်ဆိုင်ကယ်ပြင်ဆိုင်မှ ဆိုင်ကယ် ၁၀ စီးထက်မနည်း မီးလောင်ကျွမ်း ခဲ့ကြောင်းသိရသည်။
” ၄ ဦးဒဏ်ရာရရတယ် တစ်ဦးကိုတော့ အခြေအနေအရ စဝ်စံထွန်းဆေးရုံကိုပို့ထားတယ် ” အခုမီးလောင်တဲ့ အိမ်က ဂဲစ့် ဆိုင်နဲ့ရော ဓါတ်ဆီဆိုင်နဲ့ပါ နီးနီးလေးဗျ ၊ လူတွေလဲ အကုန်လန့်ကြတာပေါ့ ခုချိန်အကြောက်ရဆုံးက အိမ်တိုင်း နီးပါးဓါတ်ဆီတွေ ဝယ်လောင်ထားကြမှာပဲ ဒါ့ကြောင့် မီးမပေါ့ဆကြပါနဲ့ ” ဟု ပြည်တော်သာရပ်ကွက်နေပြည်သူတစ်ဦးက ပြော သည်။
ထို မီးလောင်မှု ဖြစ်ပွားရာနေရာသို့ လူမှုကူညီရေး အသင်းအဖွဲ့များ၊ မီးသတ်တပ်ဖွဲ့ဝင်များ၊ ပြည်သူများ ဝိုင်းဝန်း ငြိမ်းသတ်ခြင်းကြောင့် ၁၀ နာရီ ၅၀ မိနစ် အချိန်ခန့်တွင် မီးငြိမ်းသတ်နိုင်ခဲ့ကြောင်း သိရသည်။
ယမနေ့ညပိုင်းကလည်း တောင်ကြီးမြို့ နောင်လေကျေးရွာ အုပ်စု၊ မဲသောင်းရွာတွင် တောမီးလောင်ကျွမ်းရာ မြက်ခြောက် ဧရိယာ ၂ ဧကခန့် မီးလောင်ကျွမ်းခဲ့ ပြီး အလားတူ ဘုရားဖြူရပ်ကွက်၊ နယ်မြေ (၂) တွင်လည်း ယမန်နေ့ ညပိုင်းက တောမီး လောင်ကျွမ်းမှုတစ်ခု ဖြစ်ပွားခဲ့သေးကြောင်း သိရသည်။
Photo credit -ကြက်ခြေနီ