သျှမ်းပြည်တောင်ပိုင်း တောင်ကြီး မြို့တွင် ယခုနှစ် သင်္ကြန် ပွဲတော်ကို လမ်း လျှောက်သင်္ကြန် ထည့်သွင်းကျင်းပမည်ဖြစ်ပြီး အင်းလေးတွင်လည်းရေပေါ်သင်္ကြန် ကျင်းပသွားမည်ဟုဒေသခံများ ထံမှသိရသည်။
” တောင်ကြီးမှာအရင်နှစ်တွေတုန်းကလည်း လမ်း လျှောက်သင်္ကြန်လုပ်တယ် အစိုးရရုံးနားကတစ်ကွက်စာလောက်ပေါ့ ဒါပေမဲ့ ငလျှင်ကြောင့် မလုပ်လိုက်ရဘူး အင်းလေးလဲအတူတူပဲ ” ဟု တောင်ကြီး မြို့ခံ တစ်ဦးကပြောသည်။
တောင်ကြီးမြို့တွင် ဝန်ကြီးဌာနအလိုက် မဏ္ဍပ်များကိုမိန်း လမ်းမ တစ်လျှောက်တွင် ပြုလုပ်မည်ဖြစ်ပြီး ယိမ်းအက ပြိုင်ပွဲများနှင့် အစိုးရရုံးရှေ့တွင် လမ်း လျှောက်သင်္ကြန်ပြုလုပ်မည်ဖြစ်ကြောင်းသိရသည်။
” နိုင်ငံရေးမကောင်းပြီးနောက် ပိုင်းအရင်တုန်းကလို မဏ္ဍပ် တွေစည်းစည်ကားကားသိပ်မရှိဘူး အရင်နှစ်က ငလျှင် အခုနှစ်က ဓါတ်ဆီရှားတာနဲ့ သိပ်တော့မထင်ဘူး ” ဟု ဆိုသည်။
အင်းလေးရေပေါ် သင်္ကြန်ပွဲတော်ကိုလည်း တေးဂီတဖြင့် ဖျော်ဖြေခြင်း၊ ယိမ်းအကပြိုင်ပွဲ ၊ ရိုးရာသနပ်ခါးသင်္ကြန်နှင့် စတုဒီတာကျွေးမွေးခြင်းများဖြင့် စည်းကားစွာ ကျင်းပသွားမည်ဖြစ်ကြောင်းဒေသခံများထဲမှ သိရသည်။
အင်းလေးရေပေါ်သင်္ကြန်ကို ၂၀၁၉ခုနှစ်က ပထမဆုံးအကြိမ်ဖြင့်စည်ကာစွာကျင်းပခဲ့ပြီး ယခင်၂၀၂၅ ခုနှစ်က ငလျင် ကြောင့်ရပ်နားထားရပြီး ယခုနှစ် ပြန်လည်ကျင်းပမည် ဖြစ်ကြောင်း သိရသည်။
Photo – fb credit