သျှမ်းပြည်မြောက်ပိုင်း၊ ကွတ်ခိုင်မြို့ကို ကိုးကန့်တပ် MNDAA က ယမန်နေ့ ညပိုင်းမှာ အပြီးသတ် ထိန်းချုပ်လိုက်ပြီလို့ ဒေသခံတွေနဲ့ ဒေသတွင်းသတင်းရင်းမြစ်ထံမှ သိရပါတယ်။
ကိုးကန့်တပ် MNDAA က ဒရုန်းရာနဲ့ချီသုံးပြီး ထိုးစစ်ဆင် တိုက်ခိုက်ခဲ့တာကြောင့် ယမန်နေ့ မွန်းလွဲပိုင်း အချိန်မှာ ကွတ်ခိုင်မြို့မှာရှိတဲ့ တအာင်းတပ် TNLA ရဲ့ ဗျုဟာကုန်း ကျသွားပြီး တအာင်းတပ်ဖွဲ့ဝင် မြို့ကိုဆုတ်ခွာပေးလိုက်ရတယ်လို့ မြေပြင်သတင်းရင်းမြစ်အရ သိရပါတယ်။
အခုမနက်ပိုင်း ကွတ်ခိုင်မြို့ပေါ်က အခြေအနေကတော့ တည်တည်ငြိမ်ငြိမ်ရှိနေပြီး စျေးဆိုင်အချို့လည်း စားသောက်ကုန်တွေ ပြန်လည်ဖွင့်လှစ်ရောင်းချပေးနေတယ်လို့ ကွတ်ခိုင်မြို့ခံတစ်ဦး ကပြောပါတယ်။
ဒီကနေ့ မတ်လ ၁၆ ရက် နံနက်ပိုင်းအချိန်က နမ့်ခမ်းမြို့နဲ့ နမ့်ဖက်ကာဘက်က ၁၂ မိုင်ကျေးရွာဘက်မှာ ကိုးကန့်တပ် MNDAA က ဒရုန်းနဲ့ တိုက်ခိုက်နေတယ်လို့ ဒေသတွင်း သတင်းရင်းမြစ်ထံမှ သိရပါတယ်။